Fotolar: Turizm jane sport ministrligi
Federasııanyń aldaǵy kezeńdegi josparlary men damý strategııalary talqylanǵan is-sharada Qazaqstan aýyr atletıka federasııasynyń bas hatshysy Madına Astamırova federasııanyń atqarǵan jumysy týraly esep berip, saladaǵy birqatar mańyzdy jetistikterdi atap ótti.
Vedomstvonyń baspasóz qyzmeti málim etkendeı, jıyn barysynda Qazaqstan aýyr atletıka federasııasynyń prezıdenti Janat Túsipbekov óz qyzmetin merziminen buryn toqtatatynyn málimdep, federasııa prezıdenttigine Gadjı Gadjıevtiń kandıdatýrasyn usyndy. Oblys federasııalarynyń basshylary jáne sport qaýymdastyǵy G.Gadjıevtiń kandıdatýrasyn biraýyzdan qoldady.
Quramanyń halyqaralyq arenalardaǵy jetistikteri sportshylarymyzdyń joǵary áleýetin kórsetetinin jáne el ishinde sporttyń osy túrine degen qyzyǵýshylyqtyń artqanyn aıtqan Erbol Myrzabosynov:
«Týrızm jáne sport mınıstrligi atynan Janat Túsipbekovke elimizde aýyr atletıkanyń damýyna qosqan úlesi úshin alǵys bildiremin, on jyldan astam ýaqytta bizdiń sportshylar talaı jetistikterge qol jetkizdi. Sondaı-aq federasııanyń prezıdenti bolyp saılanǵan Gadjı Gadjıevtiń aldaǵy jumysyna sáttilik tileımin. Aýyr atletıka sportshylaryn jan-jaqty qoldaý dástúri jalǵasatynyna senimdimin jáne birlesken kúsh-jigermen jańa bıikterge jetemiz», dep atap ótti.
