Jańa dárigerlik nysan Prezıdent Qasym-Jomart Toqaevtyń tapsyrmasyna sáıkes, «Aýylda densaýlyq saqtaýdy jańǵyrtý» ulttyq jobasynyń aıasynda salynǵan. Ambýlatorııa ǵımaraty dárigerlik qyzmetke qajetti jabdyqtarmen tolyq qamtylǵan. Munda naýqasty qabyldaý, vaksınasııa, akýsher, fızıoterapııa, týberkýlezge qarsy em-sharalar bólmeleri, sondaı-aq qajet kezinde naýqasty oqshaýlaıtyn palata, tipti dárihana bólmesi de qarastyrylǵan.
– Aýylda osyndaı ambýlatorııanyń ashylýy halyqtyń ómir sapasyn jaqsartý jónindegi Memleket basshysynyń tapsyrmasy júıeli oryndalyp jatqanyn kórsetedi. Biz óńirdegi densaýlyq saqtaý júıesine, sonyń ishinde aýyl medısınasyna únemi kóńil bólip, damytyp kelemiz. Maqsatymyz – ár turǵyn, ásirese aýyl halqy qaı jerde turatynyna qaramastan tolyqqandy zamanaýı dárigerlik kómekke qol jetkizýge tıis. Bıyl Aqjaıyq aýdanynda densaýlyq saqtaý salasyn jańǵyrtý baǵdarlamasy aıasynda 8 nysan salynyp jatyr. Bazartóbe aýylyndaǵy ambýlatorııa – sonyń alǵashqysy. Bazartóbelikterge qýanysh qutty bolsyn aıtamyz, – dedi oblys ákimi Narıman Tóreǵalıev.
Rasynda, bul úlken qýanysh. О́ıtkeni Jaıyq ózeniniń sol jaq betinde ornalasqan eldi meken turǵyndaryna aýdan ortalyǵyndaǵy aýrýhanaǵa barýy qıyn. О́zende kópir joq, asfalt jolda joq. Endi turǵyndar jeńil-jelpi aýrýǵa bola aýdan ortalyǵyna barýdyń azabynan qutyldy.
О́ńir basshysy Aqjaıyq aýdandyq aýrýhanasynyń dırektory Anarbek Belısanovqa medısınalyq mekeme ujymynyń halyq arasynda salamatty ómir saltyn nasıhattap, jurtshylyqtyń óz densaýlyǵyna jaýapkershiligin kúsheıtýi qajettigin de eskertti. Jańa ǵımarattyń lentasyn oblys ákimi men aýyldyq ardagerler keńesiniń tóraǵasy Hamıt Janalıev kesti.
– Biz búgin óte qýanyshtymyz. Týǵan aýylymyzda osyndaı zamanaýı nysannyń ashylýy bizdiń ýaqytymyzda da, qarjymyzda da únemdeıdi. Jańa ambýlatorııany salýǵa atsalysqan barsha janǵa alǵys aıtamyz, – deıdi Hamıt aǵa.
Batys Qazaqstan oblysy
