Jastardy otansúıgishtikke, eńbekqorlyqqa tárbıeleý, qoǵamdyq-saıası, mádenı, ekonomıkalyq ómirge degen belsendiligin arttyrý, daryndy jastarǵa qoldaý kórsetýdi murat tutqan baıqaýǵa 50-den asa ótinish túsken eken, olardyń 10-y syılyq ıegeri atandy. Baıqaýǵa qatysýshylardy Jezqazǵan qalasynyń ákimi Q.Shaıjanov quttyqtady.
«Ár salada eńbek etetin jastardyń arasynan úzdikterin anyqtap, olardy basqalarǵa úlgi etý kerek. Maǵjan atamyz aıtqandaı, jastarǵa senip, olardyń eńbekterine laıyqty baǵasyn bere bilgen abzal», dedi Qaırat Abdollauly.
Jas muǵalıma Farıza Tólegenova – «Úzdik jas ustaz», Jezqazǵan qalasynyń mamandandyrylǵan olımpıadalyq rezervtegi balalar men jasóspirimder mektebiniń bokstan oqytýshy-jattyqtyrýshy Aıdar Saıdalın – «Úzdik jas sportshy», Dınara Saǵyndyqova – «Úzdik jas kásipker», Jezqazǵan qalasynyń Medısına ortalyǵynyń dáriger-kardıologi Erkenaz Jańabaı – «Úzdik jas medısına qyzmetkeri», О́.Baıqońyrov atyndaǵy Jezqazǵan ýnıver-
sıtetiniń stýdenti, «Úzdik 100 stýdent» respýblıkalyq baıqaýynyń jeńimpazy, qala belsendisi Inabat Muhanbedııar – «Úzdik stýdent», sotqa deıingi tergep-tekserýdiń jáne qylmystyq qýdalaý zańdylyǵyn qadaǵalaý basqarmasyndaǵy Ulytaý oblysy prokýrorynyń kómekshisi Naýryzbaı Esirkep – «Úzdik jas quqyq qorǵaý qyzmetkeri», «Halyqtar dostyǵy men mádenıeti» úıiniń qoıýshy-operatory Danııar Ýlıanov – «Úzdik jas mádenıet qyzmetkeri», Aısholpan Rahmet – «Úzdik jas volonter», Jezqazǵan ken baıytý fabrıkasynyń shań tutqysh qondyrǵylary jáne aspırasııalyq jeli teliminiń slesar-jóndeýshisi Qanat Mýsın «Úzdik jas óndiris qyzmetkeri» atandy. Olardyń bárine 200 myń teńge mólsherindegi aqshalaı syılyq tabystaldy.
Jezqazǵan
