Foto:eurasia-assembly.org
Baıqaý otandyq otbasylardy salaýatty ómir saltyn ustanatyn naǵyz belsendi bolýǵa shabyttandyrýǵa, densaýlyqty saqtaýdy búkil otbasy úshin qyzyqty is-áreketke aınaldyrýǵa arnalǵan.
Tórt taqyryptyq kezeńge bólingen baıqaý 2024 jyldyń jeltoqsanynda bastalyp, 2025 jyldyń sáýirine deıin jalǵasady:
- 1-kezeń: «Anam, ákem, men – aspaz otbasy» (jeltoqsan 2024 j.). Qatysýshylar fotosýretterdi ózderiniń aspazdyq hobbıleri men taǵamǵa qatysty otbasylyq dástúrleri týraly aıtý úshin paıdalanady.
- 2-kezeń «Qys ertegisi» (2024 j. qańtar). Qys - jattyǵýǵa tamasha ýaqyt! Eger maǵan senbeseńiz... Bizdiń qatysýshylar muny sizge dáleldep beredi!
- 3-kezeń «Meniń otbasymnyń sporttyq qalaýlary» (2025 j. aqpan). Fýtbol, gımnastıka, basketbol. Qatysýshylardyń otbasynda taǵy qandaı sporttyq qalaý bar?
- 4-kezeń «Tabıǵatty aıalaý» (sáýir 2025 j.). Densaýlyqqa qamqorlyq - qorshaǵan ortaǵa qamqorlyq. Bizdiń qatysýshylar sizderge otbasylyq eko-dástúrler týraly aıtyp beredi.
«Durys tamaqtaný – jaı ǵana teńdestirilgen tamaqtaný emes, ol balalarymyzdyń bolashaǵyn aıqyndaıtyn ómir saltynyń negizi. Atalmysh baıqaý oqýshylarǵa jáne olardyń otbasylaryna shyǵarmashylyq proseste bas qosa otyryp, ózderiniń ádetterin qaıta qaraýǵa múmkindik beredi. Biz mundaı bastamalarǵa qatysý – densaýlyqty jaqsartýǵa áser etip qana qoımaı, birlesken jetistikter men is-sharalardan otbasylardyń ómirine qýanyshty sátter syılaıtynyna senimdimiz», dedi Almaty qalasy Bilim basqarmasynyń Bilim berýdegi jańa tehnologııalardyń ǵylymı-ádistemelik ortalyǵynyń «Salaýatty tamaqtaný mektebi» baǵdarlamasynyń úılestirýshisi Tatıana Ejova.
Baıqaýǵa Qazaqstannyń barlyq mektep oqýshylary men olardyń ata-analary qatysa alady. Baıqaý jobanyń prav-pit.kz saıtynda ótkiziledi. Ár kezeń boıynsha jeńimpazdar anyqtalyp, úzdik jumystarǵa syılyqtar tabystalyp, jobanyń resmı arnalarynda ornalastyrylady.
«Deni saý jáne baqytty urpaq tárbıeleımiz» baıqaýy Qazaqstandaǵy otbasylar úshin ózin-ózi kórsetýge jáne basqalardy shabyttandyrýǵa tamasha múmkindik. Oǵan qatysý sizdiń ádetterińiz ben dástúrlerińizben bólisip qana qoımaı, sonymen qatar otbasylyq qundylyqtaryńyzdy ózgelerge pash etýge yqpal etedi. Bul bastamalarda balalardyń óz densaýlyǵyna qamqorlyq jasaýdy ǵana emes, sonymen qatar otbasylyq ádetterdiń qoǵam men tabıǵatqa qalaı áser etetinin túsinýdi úırenýi óte mańyzdy. Bul kózqaras bizdi qaýymdastyq retinde nyǵaıtady jáne oń ózgeristerge shabyttandyrady», dedi «Salaýatty tamaqtaný mektebi» baǵdarlamasynyń úılestirýshisi, Astana qalasy ákimdiginiń Ádistemelik ortalyǵynyń ádiskeri Roza Shaıahanova.
Uıymdastyrýshylardyń aıtýynsha, baıqaý búkil Qazaqstan boıynsha myńdaǵan otbasylardy ómir saltyna oń ózgerister engizýge shabyttandyratyn jarqyn oqıǵa bolady.
Qosymsha aqparat pen baıqaý erejeleri prav-pit.kz saıtynda jarııalanǵan.
