Foto: egemen.kz| Erlan Omar
Vıse-mınıstrdiń málimetinshe, memlekettik bıýdjettiń kirisi 19 trln teńgeni qurap, bul jospardyń 90%-yn qamtyǵan.
Respýblıkalyq qazynaǵa josparlanǵan qarjynyń 82 paıyzy túsken.
«Jospardy oryndamaýdyń negizgi sebepteri ótken jyldyń sáıkes kezeńimen salystyrǵanda 10 aı ishinde úshinshi elderden ımport kóleminiń 6,4%-ǵa nemese $2,3 mlrd-qa azaıýyna; negizgi eksporttyq metaldar baǵasynyń tómendeýine baılanysty, bul óz kezeginde 602 iri salyq tóleýshiler boıynsha avanstyq tólemder somasynyń 267 mlrd teńgege tómendeýine áser etti», dedi Erjan Birjanov.
Al jergilikti bıýdjetterdiń kirisi 108 paıyzǵa oryndalyp, 7,2 trln teńgeni quraǵan. Osylaısha, jospar 525 mlrd teńgege asyra oryndalǵan.
Bıýdjet shyǵystary memlekettik bıýdjet josparlanǵan 100 paıyzdyń 94%, respýblıkalyq – 96%, jergilikti – 92% paıyzdy quraǵan.
