EŃ QÝATTY SÝPERKOMPIýTER — QazUTÝ-da

Q.I.Sátbaev atyndaǵy QazUTÝ bazasynda byltyr iske qosylǵan Qazaqstan-Koreı aqparattyq telekommýnıkasııalar tehnologııalary jónindegi bilim ortalyǵy 186 ataýly kýrs boıynsha ár deńgeıdegi IT mamandaryn daıarlaýda. Jýyrda ónimdiligi jóninen Qazaqstandaǵy eń qýatty sýperkompıýterdiń tusaýkeser rásimi ótti. Oǵan Bilim jáne ǵylym mınıstri J.Túımebaev qatysty. Elbasy N.Nazarbaevtyń tikeleı tap­­syrmasymen elimizdiń ártúrli mekeme­le­rinde 15 ınjenerlik ǵylymı zerthanalar ashylyp, olar ozyq tehnologııalyq qon­dyrǵylarmen jáne kompıýterlermen jab­dyqtalǵan. Q.Sátbaev atyndaǵy QazUTÝ Bilim jáne ǵylym mınıstrligi uıym­das­tyr­ǵan “Kosmostyq jáne aqparattyq teh­nologııalardy (sýperkompıýterdi) ujym­dyq paıdalanýdyń ulttyq ǵylymı zert­hanasyn” ashý jónindegi ashyq konkýrsqa qatysyp, jeńimpaz bop tanylǵan bolatyn. Sýperkompıýterdiń osy ýnıversıtet bazasynda ornatylýy da sonyń jemisi edi. – Sý­perkompıýter 400 mıllıon teń­gege sa­typ alyndy. Álemniń jetekshi el­deri mun­daı kompıýterlerdi burynnan paı­da­la­nýda jáne onyń múmkindikterin ǵylym men bilimniń, ekonomıkanyń eń kúrdeli mindetterin sheshý úshin qolda­ný­da, – dedi Bilim jáne ǵylym mınıstri J.Túımebaev. Sýperkompıýterdiń tehnıkalyq múm­kin­­dikteri óte zor. Onymen meteorologııa jáne ekologııa salasynda uzaq merzimdi bol­jamdar jasaýǵa da bolady. Ulttyq qaý­ipsizdikti qamtamasyz etýde de múmkindigi sheksiz. Sondaı-aq aerokosmostyq jáne av­tomobıl ónerkásibi, ıadrolyq ener­ge­tıka baǵytyndaǵy kúrdeli mindetterdi sheshýge, munaı óndirýde jáne gaz ónerkásibinde, paıdaly qazbalardy izdep tabýda jáne ornalasqan jerin aldyn ala boljaýda keltiretin paıdasy óte zor. Gúlzeınep SÁDIRQYZY.