Foto: Aqorda
«Biz ekijaqty qarym-qatynasty nyǵaıtýǵa múddelimiz. Eki el arasyndaǵy yqpaldastyqtyń keleshegi zor dep sanaımyn. Ol úshin úkimetter ózara tıimdi yntymaqtastyqtyń jańa múmkindikterin qarastyrýǵa bar kúsh-jigerin salady. Sonymen qatar halyqaralyq ózekti máselelerge qatysty ustanymdarymyz uqsas. Biz basty halyqaralyq qurylymdardaǵy, eń aldymen, BUU jáne Islam yntymaqtastyq uıymyndaǵy Sizdiń elińizdiń ókilderimen baılanysty kúsheıtýge daıynbyz», dedi Memleket basshysy.
Bul rette Qasym-Jomart Toqaev eki eldiń aýyl sharýashylyǵy, taý-ken ónerkásibi, sıfrlandyrý jáne kólik-logıstıka baǵyttary boıynsha ózara qarym-qatynasyn damytýda áleýeti zor ekenine nazar aýdardy.
Ýmarý Sısoký Embalo qazaq jerinde kórsetilgen syı-qurmet úshin Qasym-Jomart Toqaevqa rızashylyǵyn bildirdi.
«Qazaqstanmen tyǵyz qarym-qatynas ornatýdyń máni zor. Men buǵan deıin elińizge Premer-mınıstr retinde kelgen edim. Burnaǵy jyldary Gvıneıa-Bısaýdyń stýdentteri Qazaqstanda oqyǵan bolatyn. Olardyń basym bóligi tehnıkalyq mamandyq boıynsha bilim aldy. Biz osy baǵyttaǵy yntymaqtastyqty jalǵastyrǵymyz keledi. Sebebi Qazaqstannan úırenerimiz kóp», dedi Gvıneıa-Bısaý Prezıdenti.
Kezdesý barysynda memleketter basshylary jahandyq jáne óńirlik kún tártibindegi ózekti máseleler jóninde pikir almasty.
