Halyq óneriniń ordasy

Búginde Máýlet Jubatov basqaryp otyrǵan or­nyq­ty ortalyq oblys­tyń túkpir-túkpirindegi 267 klýb mekemesine, sondaı-aq 111 ha­lyq­­tyq (úlgili) kórkemónerpaz ujy­­myna jetekshilik etedi. Iаǵnı óńir­degi aýyldyq, aýdandyq klýb mekemeleriniń qyzmetin, óne­rin órkendetý, jan-jaqty ádisteme­lik kómek kórsetý baǵytynda jumys isteıdi.

Osy kezge deıin el ishinen shyq­qan talaı ónerpazdyń ba­ǵyn ashqan, úlken ónerge joldama bergen «Baldáýren» balalar shyǵarmashylyǵy baıqaýyn, «Dala daryndary» shyǵarmashyl jastar festıvaldaryn ótkizetin de osy oblystyq shyǵarmashylyq ortalyǵy ǵoı.

«Talaı ónerpazdyń baǵyn ash­qan» degen sózimizge dálel az emes. Búginde kúlli qazaq tanıtyn Qazaqstannyń eńbek sińirgen qaı­­­ratkeri, aqyn, ánshi-termeshi Qa­tımolla Berdiǵalıev, «Qur­met» ordeniniń ıegeri, Qazaqstan Kom­pozıtorlar odaǵynyń mú­she­­si, ánshi-kompozıtor Donedil Qa­jymov, Qazaq KSR-nyń eńbek sińir­gen mádenıet qyzmetkeri, aıtys­ker aqyn Sholpan Qydyrnııazo­­va, Qazaqstan Jazýshylar odaǵy­nyń múshesi, aqyn-jazýshy, ustaz Darıǵa Mushtanova, «Eren eńbegi úshin» medaliniń ıegeri, ánshi-kom­pozıtor Jaskeleń Ǵaısaǵa­lıev, «Ázil álemi» ázil-ysqaq teatry­nyń dırektory Tursynbek Qabatov, ónertaný PhD, professor Ashat Maemı­rov, Qazaqstannyń eńbek sińirgen ártisi, Ǵ.Qurmanǵalıev atyn­da­ǵy oblystyq fılarmonııa án­shisi Sáýle Taýdaeva, «Eren eń­begi úshin» medaliniń ıegeri Jańyl­­syn Hasanova, tanymal ártis Gúl­nar Selbaeva jáne basqalary dál osy oblystyq halyq shyǵarmashy­­lyǵy ortalyǵyn týǵan úıim, túp tórki­­nim dep sanaıdy.

Ortalyq uıymdastyratyn Qa­­zaq­stannyń halyq ártisi, ánshi-kom­pozıtor Eskendir Hasanǵalıev ánderiniń halyqaralyq «Atameken» án festıvali de dástúrli is-sharaǵa aınalǵan.

Ortalyq janynan ashylǵan «Ádisker» klýby aýdandyq mádenı-demalys mekemeleriniń jumysyn jan-jaqty jaqsartý úshin qyzmet etip júr. Ortalyqtyń osy kezge deıingi tolaǵaı tabysyna 45 jyldan astam sahnalyq ǵumyry bar, respýblıka boıynsha úzdik halyqtyq «Aqjaıyq» bı ujymy men 30 jyldyq tarıhy bar úlgili «Qyzǵaldaqtar» bı ansambliniń de qosqan úlesi kóp.

Bir qýanarlyǵy, keıingi kezde Batys Qazaqstan oblystyq halyq shyǵarmashylyǵy ortaly­ǵy ǵylymı-zertteý ortalyǵy, dás­túrli ulttyq ónerdiń irgetasy retinde qalyptasyp keledi. Bul sózimizge áıgili jyraý Mara­baı Quljabaıulynyń mereıtoıyna oraı ótkizilgen keshendi sharalar kýá. Keıingi jyldary ǵana ortalyqtyń muryndyq bolýymen «Jyr-bastaý» jáne «Marabaıtanym», «Qalamger qudi­reti» shyǵarmashylyq jobalary, «Dana dástúr» taǵylym-tárbıe kesh­teri, halyq shyǵarmashylyǵy­na arnalǵan «О́ner órisi» is-sharalary, «Taǵylym tumary», «О́ner – tanym», «Rýhanııat», «Mádenı jol – 80» jobalary qolǵa alyndy. Bıyl 80 jyldyq mereıtoı aıasynda Batys Qazaqstan oblystyq memlekettik arhıvi qoryndaǵy qujattar zerdelenip, kóptegen tarıhı derek jaryqqa shyqty. Mádenı muraǵa salmaqty dúnıe­ler qosyldy. Máselen, arhıvten tabylǵan «Jaskeleń-Qońyrsha» lıro-epostyq jyry jeke kitap bolyp jaryq kórdi.

Dál osy «Jaskeleń-Qońyrsha» atty jyr jınaǵyn qolymyzǵa alyp, ǵajap áserge bólendik. О́ıtkeni kitapsha oraldyq talantty sýretshi Ashat Ábdeshevtiń tańǵajaıyp grafıkalyq týyndylarymen bezendirilgen eken. Baıaǵy Batyrlar jyry men halyq ertegileriniń úlgisinde tyń dúnıe bolyp shyqqan.

«Bul jyrdy halyq aqyny Eleýsin Sahıpov 1948 jyly arhıvke tapsyrǵan eken. «Babalar sózi» júztomdyǵynyń 21-tomynda «Jaskeleń» jyrynyń taǵy bir nusqasy basylǵan. Ol batysqazaqstandyq jyrshy aqsaqal Imanǵalı Bekmaǵambetovten jazyp alynǵan. Biz osy eki nusqany salystyryp, birinde joq tustaryn birine qosyp, ortaq dúnıe jasap shyqtyq. Osy shyǵarmany belgili jyrshy Farhat Orazov batys­tyq jyr mektebiniń maqamymen jyrlap shyqty. Myna kitapta berilgen QR kod arqyly bul jyrdy da tolyq tyńdaýǵa bolady. Jınaq Batys Qazaqstan oblystyq más­lıhatynyń VI shaqyrylym depýtaty, oblystyq Qoǵamdyq keńes múshesi Maǵaýııa Esmaǵulovtyń qarjylaı demeýshiligimen jaryq kórdi», deıdi osy jınaqtyń redaktory, kóne jyrdy arhıvten taýyp, oqyrmanǵa qaıta usynǵan Nurlan Sádir.

Aıtpaqshy, Batys Qazaqstan oblysynyń 1700 dombyrashysy Qurmanǵazynyń «Adaı», «Bal­byraýyn» kúılerin oryndap, Qa­zaqstannyń rekordtar kitabyna engenin bizdiń oqyrmandarymyz estigen shyǵar. Al «Aqjaıyq» telearnasynyń efırinde ótetin «Injý-marjan» telejobasy ar­qyly 100-den astam ónerpazdyń shy­ǵarmashylyǵy taspaǵa jazyldy. 1500 bıshi qatysqan «Bıle, Jastyq» aýqymdy aksııasy da, 1945 jyldan bastaý alǵan oblys­tyq aqyndar aıtysy da – osy ortalyq uıymdastyrǵan júıeli jumys nátıjesi.

Halyq shyǵarmashylyǵy orta­lyǵynyń óz úıinde ótken mereı­toılyq is-sharaǵa óńir basshysy Narıman Tóreǵalıev arnaıy ke­lip, qurmet kórsetti. Ǵasyrǵa jýyq ýaqyt boıy halyq ónerin dárip­tep, ulttyq qundylyqtardy taratyp otyrǵan ortalyq ujymyna alǵys aıtqan oblys ákimi Raısa Shyntemirova, Donedil Qajymov, Gúlsim Qadesheva, Berkinǵalı Ǵabdelov, Ábil Jolamanov, Medhat Qambetov, Aıman Qýatova, Nábıra Saıynova, Raıhan Kójekesheva, Qarlyǵash Aıtqalıeva, Rysty Jaıylǵanova, Gúlbaný Qýanysheva, Venera Qajymova, Jańylsyn Muhanbetjanova syndy óner ardagerleri men maıtalmandaryn Alǵyshatpen marapattady.

Áriptesteriniń mereıtoıyna arnaıy kelgen Atyraý oblysynyń mádenıet, tilderdi damytý jáne arhıv isi basqarmasynyń basshysy Ábil Jolamanov, Aqtóbe oblys­tyq halyq shyǵarmashylyǵy orta­lyǵy dırektory Gúlzıra Qalıe­va, Mańǵystaý oblystyq ǵylymı-ádistemelik jáne mádenı qyzmet kórsetý ortalyǵy dırektory­nyń orynbasary Nurbolat Qudysov, Qaraǵandy oblystyq mádenı-saýyq jáne halyq shy­ǵar­mashylyǵynyń ǵylymı-ádis­temelik ortalyǵy dırektory Indıra Qanafına, orynbasary Altynaı Nurmanbaeva, Qosta­naı oblysy qórkemónerpazdar­dyń halyq shyǵarmashylyǵy men kınobeıneqor ortalyǵynyń dırektory Dámer Qalqaev, Qosta­naı oblystyq halyq shyǵarmashy­lyǵy bóliminiń basshysy Gúlnar Moldasheva, Qyzylorda oblys­tyq ǵylymı-ádistemelik jáne mádenı qyzmet kórsetý ortalyǵy­nyń kórkemdik jetekshisi Rýslan Býrabaı, aqparattandyrý sekto­rynyń meńgerýshisi Qonysbek Málik sahna tórinen mereıli merekege oraı izgi tilekterin jetkizip, túrli syı-syıapat usyndy.

Mereıtoılyq konsertte qa­zaq­tyń súıikti dástúrli ánshisi Narkenje Serikbaeva, tanymal ánshi Jubanysh Jeksenuly, ánshi-akter Ashat Úrpekov, Atyraý ob­lysynan kelgen dombyrashy, ha­lyqaralyq, respýblıkalyq baı­qaýlardyń jeńimpazy Jánibek Jámıev, aqtóbelik «Saq-Taý» toby óner kórsetti.

Ǵasyrǵa jýyq joly bar, qa­zyna toly qory bar irgeli altyn ordanyń óz ánurany da bar eken! Sózin oraldyq aqyn Abdýl Rahmetov, ánin jergilikti sazger Erbol Aqbasov jazǵan jańa shy­ǵarmany mádenıet salasynyń úzdigi, ánshi Jaskeleń Ǵaısaǵalıev, oblystyq halyq shyǵarmashylyǵy ortalyǵynyń dırektory Máýlet Jubatov jáne ánshi Jańyl­syn Hasanova oryndap, halyq qoshe­metine bólendi.

Mereıtoı aıasynda ortalyq­­tyń bir top qyzmetkeri «Qazaqstan­­dyq salalyq mádenıet, sport jáne aq­parat qyzmetkerleriniń kásip­tik odaǵy» qoǵamdyq birlestigi­niń «Eńbek dańqy» tósbelgisimen, taǵy bir para qyzmetker Batys Qazaqstan oblysynyń mádenıet, tilderdi damytý jáne arhıv isi bas­qarmasynyń Alǵyshatymen marapat­taldy.

Batys Qazaqstan oblysy