Nashaqorlyqtyń aldyn alýdaǵy mańyzdy qadam

Jyl basynan beri mundaı maz­mundaǵy aksııalar qalanyń barlyq aýdanynda uıymdastyrylyp keledi. Jergilikti polısııa, eriktiler, úkimettik emes uıym músheleri birigip, qoǵamdyq oryndardaǵy esirtki jarnamalaryn boıaýǵa jıi shyǵyp turady. Kolledj stýdentterimen de birneshe márte kezdesý uıymdastyrylǵan. Búginde Astana qalasy Polısııa departamentiniń esirtki qylmysyna qarsy is-qımyl basqarmasynyń qyzmetkerleri qaladaǵy 5 aýdandyq ákimdikpen birge 40-tan asa qabyrǵany nashaqorlyqqa qarsy grafıtımen boıaǵan. Uıymdastyrýshy­lar aksııa maqsatyn tyıym salynǵan zattardyń jarnamasyn joıý jáne salamatty ómir saltyn nasıhattaýmen baılanystyrdy. Bul – jastar arasynda nashaqorlyqtyń aldyn alýdaǵy mańyzdy qadam.

Osy joly aksııany Astana qalasy «Baıqońyr» aýdany ákimdiginiń apparaty, Jergilikti polısııa qyzmeti basqarmasy, Astana qalasy Polısııa departamentiniń esirtki qylmysyna qarsy is-qımyl basqarmasymen qosa, «Astana jastary» jastar resýrstyq or­talyǵynyń volonterleri birge ótkiz­gen. Mysaly, esirtki jarnamalaryn óshirý­ge dostarymen birge kelgen erikti Danııal Kelgenbaev nashaqorlyqqa qarsy ak­sııa­larǵa qala jastarynyń amandyǵy, saýlyǵy úshin jıi shyǵyp turatynyn aıtady.

– О́zim – «Astana jastary» jastar resýrstyq ortalyǵynyń volonterimin. Volenter bolǵan soń, qoǵamdyq jumys­tarǵa aralasyp, kópshilikke qol­ǵabys etý – bizdiń jumysymyzdyń bir baǵyty. Búgin Polısııa basqarmasy­nyń qyz­metkerlerimen birge esirtki zat­tary­nyń jarnamalary qalǵan qabyr­ǵalardy boıaýǵa shyqtyq. Eldiń erteńi – bizdiń zamandastar bolǵan soń, olardyń salamatty ómir saltyn ustanýy jar­qyn bolashaq kepili dep bilemin. Son­dyq­tan mundaı aksııalarǵa birneshe már­te shyqtyq. «Astana – esirtkisiz qala». Osy sózdi biz sııaqty jastar uran etse, zııan­dy zattardan aýlaq bolsa, qalany las­tama­sa, qabyrǵalardy búldirmese deımiz, – deıdi D.Kelgenbaev.

Aksııaǵa bir kisideı úles qosqan taraptar ıgi bastamalardy úzbeı jalǵas­tyrýdy josparlap otyrǵanyn aıtty. Osylaısha, aqparattyq-aǵartýshylyq jumysty kúsheıtip, jastardy zııandy ádetterden aýlaq bolýǵa shaqyrmaq nıette. Bul rette qoǵam dertine aınal­ǵan nashaqorlyqpen kúres jumystary jan-jaqty júrgiziletinin aıta ketkenimiz jón. Esirtki zattaryn taratatyndar áleýmettik jeliniń kómegin jıi paıdalanǵan soń, psıhologııalyq jáne quqyqtyq saýattylyqty arttyrý da asa mańyzdy baǵyttardyń biri sanalady. Aqparat úshin aıtar bolsaq, jyl basynan beri Astanada esirtki aınalymyna qatysty 407 qylmystyq is qozǵalsa, onyń ishinde 285 jaǵdaı esirtki zatyn satýmen baılanysty bolǵan eken.