Tańerteń, Qarasý aýylynyń janynda, Qoıbaǵar kóliniń mańynda eki er adam mingen jeńil kólik qarǵa batyp, boranda qalyp ketken.
- Qatty jel men tómen temperatýra jaǵdaıdy nasharlatyp, olardyń ómirine naqty qaýip tóndirdi. Kómek suraǵan belgi túse salysymen, qutqarýshylardyń kezekshi aýysymy oqıǵa ornyna jedel attandy. Arnaıy tehnıkany qoldana otyryp, qutqarýshylar kólikti qar qursaýynan evakýasııalap, balyqshylardy qaýipsiz jerge jetkizdi. Olarǵa medısınalyq kómek qajet bolmady. Qostanaı oblysy TJD baspasóz qyzmeti
Qostanaı oblysy TJD óńir turǵyndaryna qys mezgilinde qaladan tys jerlerge shyǵý kezinde asa saq bolý qajettigin eske salady. Mundaıda aýa-raıy boljamyn aldyn ala bilip, jyly kıim, janarmaı qory jáne baılanys úshin zarıadtalǵan telefon bolýy mańyzdy.
