Avtordyń balalarǵa arnalǵan áńgimeleri jan tazalyǵy men shynaıylyqty nasıhattaıdy. Shyǵarmadaǵy keıipkerler tabıǵat tazalyǵyn saqtaýǵa, kitappen dos bolyp bilimge qyzyǵýǵa jáne úlkenderdi syılaı bilýge, óz qatarlastarymen tatý bolýǵa úndeıdi. Eń bastysy oqyrmandy oılandyrady. Atalǵan kitapqa jazýshynyń irili-usaqty 23 áńgimesi engen.
Is-shara aıasynda mektep kitaphanashysy Almagúl Dúısenqyzy avtor shyǵarmashylyǵyn oqýshylarǵa tanystyryp, pikir almasty. «Meıirbektiń kógershini» kitabyna sholý jasap, balalar da oıyn ortaǵa saldy. Osylaısha, mektep kitaphanasynyń qory jazýshynyń 20 dana kitabymen tolyqty.
Halyqaralyq «Alash» ádebı syılyǵynyń laýreaty, aqyn Bolat Úsenbaev kitapqa jazǵan alǵysózinde «Baqyt – balalar ádebıetiniń qorjynyna olja salǵan qalamger. Jazýshy ózi ómir súrgen dáýirge ǵana emes, bolashaqqa da qyzmet etedi» degen eken. Shynynda da, Baqyt Dosymov shyǵarmalarynyń ekinshi ómiri bastalyp ketkendeı...
