Bort quramynda QR Densaýlyq saqtaý mınıstrliginiń Ulttyq shuǵyl medısınany úılestirý ortalyǵynyń mobıldik brıgadasy, eki reanımatolog, tórt travmatolog, neırohırýrg jáne kombýstıolog bar.
Densaýlyq saqtaý vıse-mınıstri Tımýr Muratov zaqym alǵan jáne jaraqattanǵan pasıentterdi qarap-tekseredi, kelgen mamandardy tarta otyryp, medısınalyq kómekti uıymdastyrý máselelerimen aınalysady.
Aqtaý áýejaıy mańyndaǵy jolaýshylar ushaǵy apatqa ushyraǵan jerden oblystyń medısınalyq mekemelerine 29 zardap shegýshi, onyń ishinde Mańǵystaý oblystyq aýrýhanasyna 27 adam jetkizildi. Aýrýhanaǵa jetkizilgen jaǵdaıy aýyr 27 pasıenttiń 11-i reanımasııaǵa jatqyzyldy.
Oblystyq balalar aýrýhanasyna 11 jáne 16 jastaǵy 2 bala túsken, olarǵa ota jasaý josparlanǵan.
