Kelesi jyly NIS pedagogteri bilim berý salasyndaǵy eń bedeldi álemdik nagradalardyń biri – Global Teacher Prize halyqaralyq baıqaýynda Qazaqstannyń atynan qatysyp, elimizdiń namysyn qorǵaıdy.
«Múmkindigi mol bilim ordasy». Bul bedeldi baıqaýynda oq boıy ozyp shyqqan Gúlzat Shyntasovanyń urany. Onyń aıtýynsha, bıik belesterdi baǵyndyrý ońaı bolmaǵan. 2011 jyly ýnıversıtetti bitirgennen keıin ol bilimin odan ári jetildirý úshin magıstratýraǵa túsedi. Al 2013 jyly Qyzylordada Nazarbaev Zııatkerlik mektebi ashylyp, pedagog-uıymdastyrýshy-kýrator bolyp jumysqa ornalasady. Keıinnen mektepte óz mamandyǵy boıynsha qyzmetke aýysqan.
Gúlzat Býrabaıqyzy — Bilim media group uıymdastyrǵan «Jańashyl ustaz – 2018» respýblıkalyq baıqaýynyń jeńimpazy, Qyzylorda oblystyq «О́rleý» ortalyǵynyń «Pedagogıkalyq ıdeıalar panoramasy» baqaýynyń I oryn ıegeri jáne termın sózderdi qazaqshalaý boıynsha respýblıkalyq baıqaýda Bas júlde jeńip aldy.
Sondaı-aq, ol «Ádebı esse» elektıvti kýrsynyń avtory, jalpy bilim beretin mektep muǵalimderine arnalǵan «Onlaın mektep» jobasy tapsyrmalaryn qurastyrýshy, til máselesine qatysty aımaqtyq sharalardyń turaqty spıkeri, «Til-qazyna» ulttyq ǵylymı-praktıkalyq ortalyǵynyń lıngvıst mamany.
«Muǵalim – bolashaqty jasaýshy tulǵa». Qostanaı qalasyndaǵy Nazarbaev Zııatkerlik mektebiniń ınformatıka pániniń muǵalim-sarapshysy Aleksandr Sherser – bilim berý baǵdarlamalary men ictlab.kz bilim berý portalynyń negizin qalaýshy. Ol – NIS Online biliktilikti arttyrý kýrstary men sıfrlyq platformasynyń birlesken avtory. «Robototehnıka», Blended Teaching Program (Cambridge University), «Pándik quzyrettilikti damytý» sııaqty bilim berý baǵdarlamalarynyń sertıfıkattalǵan treneri.
Ol QR Úkimetiniń «Jaıly mektep» jobasynyń pándik jumys tobyn basqarady. Sonymen birge óskeleń urpaqty oqytý men tárbıeleýdegi eleýli jetistikteri úshin Y.Altynsarın atyndaǵy medalmen marapattalǵan.
Ol – «Qazaq tilinde sóıleýdi taný jáne sıntezdeý vırtýaldy daýystyq assıstenti» jáne «Qazaq tilinde qurastyrylǵan Qazaq Oriented Language baǵdarlamalaý tili» jobalarynyń avtory.
«Pedagog úzdiksiz izdeniste bolýy kerek». Mırlan Jýsambaev 2014 jyldan bastap Taraz qalasyndaǵy NIS-te fızıka pániniń muǵalim-sarapshysy bolyp jumys isteıdi. Ol «Nazarbaev Zııatkerlik mektepteri» DBBU fılıaldarynyń pedagogteri arasynda ótken «Jyldyń úzdik muǵalimi – 2023» baıqaýynda jeńimpaz atanǵan.
CLIL (Content and Language Integrated Learning) boıynsha sertıfıkattalǵan sarapshy retinde jaratylystaný-ǵylymı pánder men aǵylshyn tilin ıntegrasııalaý salasynda zertteýler júrgizedi. Onyń zertteý nátıjeleri 2018 jyly Italııada jáne 2022 jyly Armenııada ótken European Conference on Educational Research sııaqty halyqaralyq konferensııalarda, sondaı-aq DBBU uıymdastyrǵan halyqaralyq ǵylymı-praktıkalyq konferensııaǵa usynyldy. Ol – Bilim berý salasyndaǵy zertteýshiler qaýymdastyǵynyń (KERA) múshesi.
Qazirgi ýaqytta onyń tanymdyq beınerolıkteri mıllıondaǵan qaralym jınap, osy arqyly TikTok-ta ǵylymdy belsendi túrde nasıhattap keledi.
