Foto: weacom.ru
«27 jeltoqsannan bastap Qazaqstannyń batysynda, keıin ońtústiginde jáne ońtústik-shyǵysynda turaqsyz aýa raıy kútiledi, jańbyr men qar jaýady, kóktaıǵaq bolady. El aýmaǵynda tuman túsip, soltústik óńirlerde jel kúsheıedi», dep habarlady sınoptıkter.
Respýblıkanyń basym bóliginde temperatýra óz klımattyq normalarynan joǵary, alaıda soltústik aımaqtarda aýa temperatýrasynyń sál tómendeýi kútiledi: túnde -7...-15°C, kúndiz -5...-10°C aıaz bolady. Eldiń qalǵan bóliginde temperatýralyq fon aıtarlyqtaı ózgermeıdi.
Boljamǵa sáıkes, aldaǵy eki táýlikte soltústik jáne shyǵys óńirler áli de soltústik-batys sıklony yqpalynda bolady, sonyń saldarynan qar jaýyp, boran soǵady. Tek 28 jeltoqsanda kezekti antısıklon áserimen eldiń soltústiginde aýa raıy ashyq bolady.