Qyrǵyzstan Respýblıkasy densaýlyq saqtaý organdarymen 3 zardap shekken adamdy tasymaldaý boıynsha máseleler pysyqtalyp jatyr, onyń ishinde 2 tasymaldanatyn, 1 - aýyr jaǵdaıda, О́JJ apparatynda jatyr.
Ázerbaıjan Respýblıkasynan eki pasıentti evakýasııalaý máselesi boıynsha dárigerlermen konsılıým ótkizý, olardyń tasymaldaý jaǵdaıyndaǵy jaı-kúıine baǵa berý josparlanyp otyr.
- Aqtaý qalasyndaǵy áýejaı mańynda jolaýshylar ushaǵynyń apatqa ushyraýy saldarynan zardap shekken 29 adamnyń 27-si Mańǵystaý oblystyq aýrýhanasyna jetkizildi.
Pasıentter ártúrli jaraqattarmen, negizinen birneshe zaqymdarmen kelip tústi, bul mıdyń jabyq jaraqaty, mıdyń shaıqalýy, keýde qýysynyń jabyq jaraqattary, travmatıkalyq shok.
Keme apatynan keıin 10 mınýttyń ishinde zardap shekkenderge medısınalyq alǵashqy kómek kórsetý úshin Mańǵystaý oblysynyń 22 jedel medısınalyq járdem brıgadasy men apattar medısınasy ortalyǵynyń 6 brıgadasy oqıǵa ornynda boldy, - dep málimdedi Densaýlyq saqtaý mınıstrliginen.
Zardap shekkenderdi Aqtaý qalasynyń stasıonarlaryna ýaqtyly emdeýge jatqyzý, bilikti irikteý jáne alǵashqy syn saǵattarda tolyq emdeý-dıagnostıkalyq kómek kórsetýdiń arqasynda 29 adamnyń ómirin saqtap qalýǵa múmkindik týdy.
Sondaı-aq qarapaıym adamdar, ártúrli óńirlerden kelgen otandastarymyz beı-jaı qaramaı, qıyndyqqa birden jaýap berdi.
Eki kúnniń ishinde respýblıka boıynsha qan ortalyqtarynda 1,5 myńnan astam adam 800 lıtr qan tapsyrdy. Aqtaýdyń ózinde donorlyq pýnktterge 490 adam keldi, Astanada – 600 – den astam adam, Shymkentte – 125, Aqtóbede – 109, Jetisýda – 49, Qaraǵandyda-40, ShQO-34 adam qan tapsyrdy jáne basqa óńirlerde de adamdar bul apatqa beı-jaı qaraǵan joq.
Densaýlyq saqtaý mınıstrligi bizdiń medısına qyzmetkerlerine kómektesken, qaıǵyly ushaq apatynan zardap shekkenderge qan tapsyrýǵa qatysqan barlyq azamatqa alǵysyn bildiredi.
