Fotolar: Kólik mınıstrligi
Rekord. Negizgi 4 avtojol dálizi jáne basqa joldar
Negizgi 4 avtojol dálizi, atap aıtqanda, Qaraǵandy – Almaty (879 km), Taldyqorǵan – О́skemen (768 km), Aqtóbe – Qandyaǵash (96 km), Atyraý – Astrahan (212 km) jóndeldi.
2024 jyly 12 myń shaqyrym jolǵa qurylys pen jóndeý jumystary júrgizildi. Bul – buryn-sońdy bolmaǵan rekordtyq kórsetkish. 8 myń shaqyrym respýblıkalyq joldarǵa tıesili bolsa, qalǵan 4 myń shaqyrymy jergilikti joldarǵa tıesili.
Kelesi jyldan bastap tórt jolaqty «Qaraǵandy-Jezqazǵan» jáne «Saryaǵash qalasynyń aınalma joly» jobalaryn bastaý kózdelgen. Bıyl «Qyzylorda- Jezqazǵan», «Aqtóbe-Ulǵaısyn» avtojolyn (bularda 4 jolaqty) qaıta jańartý jumystary bastaldy.
Temir joldardy jóndeý
Bıyl tasymaldaý sapasyn arttyrý maqsatynda 1400 shaqyrymǵa jýyq temir jol jóndeýden ótti. Elimizdiń barlyq óńirlerin qamtıtyn jumystardyń basym bóligi jasalǵan ýchaskeler:
Aqtoǵaı-Semeı-Altaı (153 sh/q);
Shý-Qandyaǵash (266 sh/q);
Qandyaǵash-Aqsaraı (138 sh/q);
Astana-Almaty (260 sh/q);
Almaty-Pavlodar (106 sh/q);
Jańa-Esil-Kókshetaý 161 shaqyrym jáne t.b.
Jalpy, temir joldardyń 569 shaqyrymy kúrdeli jóndeýmen, 181 shaqyrymy keshendi jóndeýmen jáne 602 shaqyrym josparly – aldyn ala jóndeýmen qamtylǵan. Sonymen qatar 185 lokomotıv, 1,6 myńnan asa júk jáne 143 jolaýshylar vagony satyp alyndy.
«KAZTRAFFIC-2024» kórmesi
Astanada qarashada «QazjolǴZI» AQ-nyń 65 jyldyǵyna arnalǵan HH halyqaralyq «KAZTRAFFIC-2024» kórmesi ótip, oǵan 20 eldiń 110-nan astam jol salasy kásiporyndarynyń ókilderi qatysty. Shara sheńberinde zamanaýı jol-qurylys tehnıkasy men jol qurylysyna arnalǵan jańa materıaldar usynyldy.
Kórme sheńberinde Ortalyq Azııa óńiriniń jol ınfraqurylymyn damytý perspektıvalary talqylanǵan konferensııa jáne jol qozǵalysynyń qaýipsizdigi men tıimdiligin arttyrý maqsatynda ozyq tehnologııalardy paıdalanýǵa arnalǵan halyqaralyq semınar ótti.
Atalǵan kórme – tájirıbe almasýmen qatar ınnovasııalyq sheshimderdi kórsetý úshin, sondaı-aq jol salasyn odan ári damytý strategııalaryn ázirleý úshin mańyzdy alańǵa aınaldy.
TransLogistica Kazakhstan – 2024 kórmesi: Transformasııa dáýiri
Bıyl qazannyń 9-11 kúnderi Astana «Expo» HQO aýmaǵynda ótken «TransLogistica Kazakhstan-2024» kórmesinde 105 otandyq kompanııa óz jetistikterin kórsetti. Bul rette 108 halyqaralyq kompanııa Qazaqstanmen yntymaqtastyqty damytýǵa múddeliligin rastady.
Úsh kúnge jalǵasqan kórmege 49 elden 4 021 biregeı kelýshi keldi. Qonaqtar arasynda memlekettik jáne jeke kompanııalardyń, halyqaralyq iskerlik qaýymdastyqtardyń, sondaı-aq elderdiń delegasııalaryn qosa alǵanda, elshilikter men saýda mıssııalarynyń ókilderi boldy.
Kórmeniń mańyzdy bóligi 22 sessııadan turatyn iskerlik baǵdarlama boldy, onyń sheńberinde 102 spıker kólik-logıstıka salasynyń aldynda turǵan negizgi máseleler men syn-qaterlerdi talqylady.
Alǵash ret «Qazaqstanda temirjol kóligi men ınfraqurylymdy damytý» jáne «BreakBulk Kazakhstan iri kólemdi jáne aýyr salmaqty júkterdi tasymaldaý» taqyryptarynda konferensııalar ótti.
Kórme barysynda ekonomıkalyq jáne logıstıkalyq baılanystardy nyǵaıtýǵa baǵyttalǵan «Qazaqstan-Nıderlandy» Iskerlik keńesi jáne OkLog júıesiniń tanystyrylymy jáne «Kóliktegi jáne logıstıkadaǵy IT-sheshimder» konferensııasy ótip, onda sarapshylar logıstıkalyq operasııalardyń tıimdiligin arttyrýǵa jáne prosesterdi ońtaılandyrýǵa baǵyttalǵan ınnovasııalyq sıfrlyq tehnologııalardy qarastyrdy.
2025 jyly TransLogistica Kazakhstan kórmesi 1-3 qazanda Almatyda ótedi.
5 transshekaralyq habtardy jańǵyrtý
Aqtaý portynda konteınerlik hab salý boıynsha jobany iske asyrý bastaldy, aıaqtalýy – 2025 jyldyń sońyna josparlanǵan, bul – jylyna 250 myń JFB-ǵa deıin arttyrýǵa múmkindik bermek.
Al, Quryq portyna bıyl qýaty jylyna 1 mln tonna bolatyn jańa astyq termınaly iske qosyldy.
Qorǵas toraby boıynsha «SKYHANSA» JShS Qazaqstan-Germanııa birlesken kásiporny júk-jolaýshylar áýejaıynyń jobasyn iske asyrý boıynsha jumys bastady. «Qorǵas» AEA aýmaǵynda júk termınalyn, kedendik baqylaý aımaǵyn, janarmaı qoımasyn, áýe kemelerine qyzmet kórsetýge arnalǵan avıasııalyq-tehnıkalyq ortalyqty jáne júk áýekompanııasyn qamtıtyn avıasııa habyn qurý josparlanyp otyr. О́tkizý múmkindigin arttyrý úshin Altynkól stansasyn jańǵyrtý josparlanǵan.
Osyndaı jumysty Qyrǵyzstanmen shekarada ornalasqan Indýstrııalyq saýda-logıstıkalyq keshende de júrgizý kózdelgen. Al «Eýrazııa» transshekaralyq saýda ortalyǵy men «Ortalyq Azııa» halyqaralyq ónerkásiptik kooperasııa ortalyǵynda ótkizý múmkindigin arttyrý maqsatynda «Podstepnoe – Fedorovka» (144 km) avtomobıl jolyn jóndeý jáne «Darbaz – Maqtaaral» (152 km) temirjol jelisiniń qurylysyn júrgizý kútilip otyr.
Atalǵan habtardyń iske qosylýy – jańa jumys oryndaryn qurýǵa, júkterdiń ótý ýaqytyn qysqartýǵa, ónerkásiptik óndiris kólemin arttyrýǵa múmkindik beretini sózsiz.
Bıyl júk tasymaly 4 mln tonnadan asty
2024 jyldyń 11 aıynda júk tasymalynyń kólemi 63%-ǵa artyp, 4,1 mln tonnaǵa jetken. Bıyl ınfraqurylymdy damytýǵa jáne baǵyttyń fýnksıonalyn keńeıtýge baǵyttalǵan Transkaspıı kólik dáliziniń úılestirý ortalyǵy iske qosyldy. Bul Eýropa men Azııa arasyndaǵy jetkizý merzimin 15 kúnge deıin qysqartady. Jobaǵa Qazaqstan, Ázerbaıjan, Grýzııa, Túrkııa, Qytaı sııaqty negizgi elder men kompanııalar belsendi qatysyp jatyr.
2023 jylmen salystyrǵanda 2024 jyly teńiz kóligi arqyly tasymaldaý kólemi 3%-ǵa, onyń ishinde tranzıttik júkterdi tasymaldaý 18%-ǵa ósken.
Quryq parom kesheni arqyly júk avtokólik quraldaryn óńdeýde 22%-ǵa ósý baıqalǵan. Aqtaý porty arqyly ótken 27 myńǵa jýyq konteınerdi qosa alǵanda «Shyǵys-Batys» tranzıttik qatynasyndaǵy konteıner tasymalynyń kólemi 84%-ǵa ulǵaıǵan. Sondaı-aq, bıyl Quryq portynyń «Sarja» termınaly atalǵan kezeńde Túrkııa men Iran baǵytynda shamamen 55 myń tonnaǵa jýyq júk (tústi metaldar, ammofos, arpa) óńdedi. Sonymen qatar, Quryq portynyń «Ersaı» teńiz termınalynan 2024 jyly Qazaqstan arqyly Ázirbaıjannan О́zbekstanǵa tranzıtpen 153 gabarıtti emes júk tasymaldanǵan.
Aıta ketsek, bıyl qazan aıynda Quryq portynda jylyna qýaty 1 mln tonnany quraıtyn taǵy bir astyq termınaly qoldanysqa engizildi. Sonymen qatar, Memleket basshysynyń tapsyrmasy aıasynda Quryq portynyń bazasynda tolyqqandy logıstıkalyq klaster qurý jumysy belsendi júrip jatyr.
Basqa da jetistikter
Sońǵy 2 jylda qoǵamdyq kólik parkiniń 3 267 avtobýsqa jańartylýy –atalǵan tehnıkanyń tozýyn 40% -dan 30% -ǵa deıin azaıtty. Sondaı-aq «Kólik jáne qoımalaý» salasy boıynsha 2024 jylǵy qańtar-qazannyń qorytyndysy boıynsha 883,4 mln tonna júk tasymaldanǵan, bul – byltyrǵy kórsetkishten 8,9% -ǵa artyq. Sonymen qatar, Shyǵys Qazaqstan oblysyndaǵy Buqtyrma sý qoımasy arqyly Qazaqstanda eń uzyn kópir ashyldy.
