Bul tehnologııa mobıldi qurylǵylardy eki metrge deıingi qashyqtyqta, 50 Vt-tyq elektrmen 46 paıyzǵa deıin qýattaýǵa múmkindik beredi. Sondaı-aq birneshe qurylǵyny bir mezette qýattaı alady. Injeneler ashyq bıfılıarlyq katýshkany qoldaný arqyly osy nátıjege qol jetkizgen. Ǵalymdar bul tehnologııany aqyldy óndiristerde, logıstıkalyq robottardy qýattaýda, qurylǵylardy avtomatty túrde qýattaı alatyn júıelerde qoldanýǵa bolatynyn atap ótti.
Dári jetkizetin robot
Kalıfornııa ǵalymdary dene ishinde dárini dál aýrý oshaǵyna jetkizetin shaǵyn mıkrorobottar jasap shyǵardy.
Robottar synaq barysynda dárini jetkizip, tyshqandardyń isik aýrýlaryn azaıtýǵa kómektesken. Robottardyń dıametri nebári 30 mıkrometr. Syrtqy beti sýǵa tartylady, al ishki beti sýdan qorǵaıdy. Bul qurylym aýa kópirshikterin ustap, qozǵalys kezinde jabyspaýǵa múmkindik beredi. Magnıt nanobólshekterimen jabdyqtalǵan robottar syrtqy magnıt órisi arqyly qajetti jerge baǵyttalady. Dári sol jerde qalyp, birtindep taralady.
Qaterli isikti emdeýdiń jańa túri
Koreıanyń aldyńǵy qatarly ǵylym jáne tehnologııa ınstıtýtynyń (KAIST) zertteýshileri rak jasýshalaryn saý kúıine qaıtaratyn jańa tehnologııa oılap tapty.
Professor Kvan-Hıon Cho bastaǵan zertteýshiler gendik jeliniń sıfrlyq úlgisin jasap, rak jasýshalaryn qalypty kúıge qaıtarýǵa múmkindik beretin negizgi molekýlalardy anyqtady. Bul ádis janýarlarǵa jasalǵan synaqtan sátti ótti. Ǵalymdar bul tásildi basqa qaterli dert túrlerine de qoldanýǵa bolady dep otyr.
