Shyrshany sándeý dástúri ejelgi tabıǵatqa tabyný kezeńinen bastaý alady. Soltústik Eýropa halyqtary máńgi jasyl aǵashty ómir men molshylyq rámizi dep eseptep, qystyń ortasynda úılerine ákelip qoıǵan. XV-XVI ǵasyrlarda bul dástúr Germanııada jańasha sıpat alady. Nemister shyrshany jemis-jıdek, jańǵaq jáne tátti taǵamdarmen bezendirip, ony qysqy merekeniń basty belgisi sanaǵan. Ańyz boıynsha, Martın Lıýter ormandaǵy qar basqan shyrshalar men juldyzdardyń jarqyrap turǵanyn kórip, ony úıinde jasap kóredi. Keıin bul dástúr Germanııadan Eýropanyń basqa elderine tarady. XIX ǵasyrda aǵylshyn patshaıymy Vıktorııa men hanzada Albert shyrshany Rojdestvonyń basty rámizine aınaldyrdy. Osylaısha shyrsha bezendirý dástúri álemge keń taralyp ketken.
Eń uzaq toılaıtyn el
Tet meıramy – vetnamdyqtardyń mádenıeti men dástúrin dáripteıtin, 15 kún boıy toılanatyn álemdegi eń uzaq jańa jyl merekesi.
Vetnamda jańa jyldy qarsy alý merekesi – Tet meıramy kúntizbeniń alǵashqy kúninen bastalyp 15 kúnge sozylady. Bul meıram jyldyń eń mańyzdy ári erekshe ýaqyty sanalady. Vetnamdyqtar úshin tet tek jańa jyldyń bastalýyn ǵana emes, tabıǵattyń jańarýy men otbasylyq dástúrlerdi dáripteıtin kezeń bolyp sanalady.
