Bizdiń keıipkerimiz 2016–2020 jyldar aralyǵynda ál-Farabı atyndaǵy Qazaq ulttyq ýnıversıteti bıofızıka jáne bıomedısına kafedrasy meńgerýshisiniń ǵylym jónindegi orynbasary boldy. Osy qyzmetinde júrip, bıomedısına zerthanasynda dárilik ósimdikterdiń ýyttylyǵyn, janýarlar qanyna áserin jáne bıologııalyq irgeli zertteýler nátıjeleriniń bıologııany oqytýda paıdalanýdyń ereksheligin zerttedi. Sondaı-aq Tıan-Shan taýynda ósetin, óndiriste ıgerýge perspektıvti «Ranunculus L.» týysynyń 3 dárilik ósimdik túrin keshendi zertteý» jobasyna jetekshilik etti.
Álibek Ydyrys 2020 jyly Prezıdenttik Jastar kadr rezervine ótip, Bıomedısına ǵylymı zertteý ortalyǵynyń dırektory bolyp taǵaıyndaldy. Bul ǵylymı ortalyq bıomedısınaǵa baılanysty oqý-ádistemelik materıaldy daıyndaýmen qatar, elimizdegi bıomedısına salasyn damytady. Ásirese ǵylymı zertteý jumysyn júrgizý men bıomedısına baǵytynda bilim berý baǵdarlamasynyń iske asýyna zor úles qosyp otyr.
Jas ǵalymnyń jetekshiligimen bıomedısınalyq ǵylymı zertteý jáne tájirıbelik-konstrýktorlyq jumystyń nátıjelerin taldaý jáne densaýlyqty saqtaýǵa qajetti jańa ónimderdi ázirleý jumystary júrgizildi. Qazir ony medısına salasyna engizý jaqsy nátıje kórsetti. Erekshe atap aıtarlyǵy, osy jumys tobynyń quzyreti aıasynda halyqaralyq yntymaqtastyqty damytý baǵytyna nazar aýdaryldy. Sonyń nátıjesinde, ortalyq qurylǵannan beri quny 70 mıllıonnan asatyn qural-jabdyqpen qamtyldy.
Á.Ydyryc 2022–2023 jyldary Djordj Vashıngton ýnıversıtetinde «Bolashaq» baǵdarlamasymen taǵylymdamadan ótip, biliktiligin arttyryp keldi. Búginde ol 2024–2026 jyldarǵa arnalǵan «AP23484931» joba jetekshiligimen birge, birneshe halyqaralyq jáne otandyq jobalardyń oryndaýshysy qyzmetin qosa atqarady. Sonymen qatar «Scopus» bazasyna kiretin «ES Food & Agroforestry» (97%) jýrnalynyń kómekshi redaktory, birneshe «Web of Science» jáne «Scopus» derekqoryna kiretin basylymdardyń resenzenti. Onyń ǵylymı jetekshiligimen 18 magıstrant, 7 bakalavr ǵylymı jumystaryn tabysty qorǵady.
Qazirge deıin onyń ǵylymı jumysy 120-den astam basylyp shyǵarylǵan jumysta kórsetilgen. Al sońǵy 5 jylda alpystan astam ǵylymı eńbektiń avtory atandy. Atap aıtsaq, onyń qajyrly eńbeginiń arqasynda 31 maqalasy «Scopus» bazasyna enip, aǵylshyn tilindegi bir oqý-ádistemelik quraly (Methods of teaching biology» educational-methodical manual), 2 monografııasy (Sırek kezdesetin, endemdik ósimdikter: tabıǵı popýlıasııalary, jedel ýyttylyǵy jáne farmasevtıkalyq perspektıvtilgi) jaryq kórdi. Á.Ydyrystyń ǵylymı zertteý jumysynyń negizgi qaǵıdalary jáne zertteý nátıjeleri kóptegen ǵylymı konferensııada talqylandy. Bıyl jarııalaǵan «Kıiz shońaına ósimdiginiń medısınalyq qoldanylýy jáne hımııalyq quramyna sholý» taqyrybyndaǵy maqalasy «Engineered Science» baspasy tarapynan «Jyldyń úzdik maqalasy» syılyǵyn ıelendi. Ǵalymnyń aıtýynsha, bul maqalada halqymyz medısınasynda ejelden paıdalanyp kele jatqan kıiz shońaına (oshaǵan) ósimdiginiń fıtohımııalyq jáne bıologııalyq qyzmetterine qatysty ózekti de mańyzdy ǵylymı derekter usynylǵan. Ásirese osy ósimdiktiń isikke qarsy, gepatoprotektorlyq, dıabetke qarsy belsendiligin zertteýge nazar aýdarǵan. Osyǵan baılanysty bul sholý kıiz shońaınanyń dárilik qoldanylýy, hımııalyq quramy, farmakologııalyq qasıetteri, qaýipsizdik profıli týraly jańa túsinikterdi kórsete otyryp, onyń klınıkalyq qundylyǵyn muqııat baǵalaý úshin bolashaqta jasalatyn zertteýlerge jol ashady.
Bir sózben aıtsaq, Á. Ydyrystyń zertteýleri ǵylymı jáne tehnologııalyq qajettilikti qanaǵattandyryp qana qoımaı, sonymen qatar densaýlyq saqtaý, ekonomıka, turaqty tájirıbedegi ulttyq jáne halyqaralyq jetistikterge jetýge múmkindik beredi.
