Foto: el.kz
«Bıylǵy memlekettik is-sharalardyń ishinde Uly Jeńistiń 80 jyldyǵy erekshe oryn alady. Qazaqstandyqtar nasızmdi talqandaýǵa eleýli úles qosty. Bizdiń atalarymyz ben ákelerimiz barlyq maıdanda janqııarlyqpen soǵysty. Onyń ústine, Qazaqstan áskerdi qarý-jaraqpen, ónerkásip ónimderimen jáne azyq-túlikpen qamtamasyz etý isinde mańyzdy ról atqarǵan senimdi tyl boldy.
Men Ulttyq quryltaıdyń Atyraýdaǵy otyrysynda Jeńistiń mereıli belesin atap ótýge daıyndalý qajettigin aıttym. Sol kezde jarııalaǵan bastamalarym qazirdiń ózinde júzege asty. Mysaly, «Aıbyn» ordeniniń úsh dárejesi áıgili batyrlarymyz Saǵadat Nurmaǵambetovtiń, Baýyrjan Momyshulynyń jáne Raqymjan Qoshqarbaevtyń esimimen atalatyn boldy. Qazaqstannyń áýe qorǵanysy kúshteriniń 604-shi áýe bazasyna áıgili ushqysh, Keńes Odaǵynyń eki márte batyry Sergeı Lýganskııdiń esimi berildi. Álııa Moldaǵulovanyń, Mánshúk Mámetova men Hıýaz Dospanovanyń óshpes erligin mindetti túrde jadymyzda jańǵyrtamyz», dedi Qasym-Jomart Toqaev.
Jeńisti merekeleý úshin elimizde birshama is-sharalar ótkizý josparlanyp otyr. Prezıdent osynyń ishinde eń mańyzdysy - áskerı sherý ekenin atap ótti.
«Is-sharalardyń eń bastysy – Astanada ótetin áskerı sherý. Soǵys jáne tyl ardagerlerine qurmet kórsetiledi, eshkim de eleýsiz qalmaıdy. Konsertter men kórmeler ótedi, derekti fılmder men baǵdarlamalar túsiriledi, tarıhı kitaptar men fotoalbomdar shyǵarylady. Jaýyngerlerimizdiń esimin el jadynda saqtaý úshin zertteý jumystary jalǵasa beredi. B.Momyshulynyń – 115, M.Ǵabdýllınniń – 110, Á.Moldaǵulovanyń 100 jyldyǵy saltanatty is-sharalar tizimine kiredi.
Jeńistiń bıylǵy merekesi Qazaqstannyń birde-bir azamatyn beı-jaı qaldyrmaıtynyna senimdimin. О́ıtkeni bizdiń elde surapyl soǵystyń zardabyn tartpaǵan otbasy joq deýge bolady. Soǵysta qaza tapqandardy umytpaı, qaharman erlerimizdiń rýhyna taǵzym etý, el ishinde beıbitshilik pen tynyshtyqty saqtaý – barshaǵa ortaq paryzymyz», dedi Prezıdent.
