Jaqynda «KAZ Minerals Aktogay» kompanııasy jańa jyldyq mereke qarsańynda Aqtoǵaı kentiniń, Qopa jáne Tarlaýly aýyldarynyń az qamtylǵan, kóp balaly jáne tolyq emes otbasylarynan shyqqan 1249 balaǵa jańa jyldyq syılyqtar tabystady. Buǵan qosa Aqtoǵaı kentiniń aýyldyq klýbynda ornalasqan shyrshany bezendirý jumystarany belsene qatysyp, shyrsha kórkeıtýge arnalǵan zamanaýı sándik buıymdardyń jıyntyǵyn satyp alýǵa demeýshilik tanytty. Merekelik tamasha kóńil-kúı syılaǵan atalǵan kompanııa ujymyna aýyl turǵyndary men ata-analardyń aıtar alǵysy sheksiz.
KAZ Minerals mekemesi jyl saıyn az qamtylǵan, kóp balaly jáne tolyq emes otbasylardaǵy balalardy Halyqaralyq balalardy qorǵaý kúnimen jáne jańa jylmen quttyqtaýdy dástúrge aınaldyrǵan. Kompanııanyń «Mektepke jol» aksııasyna qatysyp, bilim men ǵylymdy serik etken jandardyń senimine selkeý túsirmeı keledi. 2024 jyly «KAZ Minerals Aktogay» kompanııasy Aqtoǵaı kentiniń, Qopa jáne Tarlaýly aýyldarynyń az qamtylǵan, kóp balaly jáne tolyq emes otbasylarynan shyqqan oqýshylarǵa qoldaý kórsetti. Bilim oshaqtarymen tyǵyz qarym-qatynas ornatqan mekeme dúnıejúzilik qorshaǵan ortany qorǵaý kúni qarsańynda «Meniń ekologııalyq armanym» atty baıqaý ótkizip, jeńimpazdardy asa baǵaly syılyqtarmen marapattady.
Buǵan qosa, ótken jyly kompanııanyń qoldaýymen «Mereke» bı ujymy Tashkentte ótken «ZHULDYZ ART KAZAKHSTAN»halyqaralyq baıqaýyna qatysyp, júldeli oryndarǵa ıe boldy. Kompanııa demeýshilik etetin «KAZ Minerals Aktogay» fýtbol komandasy oblystyq ashyq chempıonat pen fýtzaldan ótken respýblıkalyq kýbokty qosa alǵanda, týrnırlerde top jaryp júr, aımaqta ótetin qazaqsha kúres, arqan tartý jáne asyq atý sııaqty ulttyq sport túrlerinen jarystar ótkizýge atalǵan kompanııa muryndyq bolyp keledi. Sonymen birge Qopa aýylyndaǵy jabyq sport kesheni KAZ Minerals Tobynyń qarjylaı demeýshiligimen boı kóterdi.
«Kompanııanyń Aqtoǵaıdaǵy keńsesi ashylǵan sátten bastap biz kún saıyn Aqtoǵaı, Qopa jáne Tarlaýly turǵyndarynyń ótinishterin qabyldaımyz. Bul ádister halyqtyń qajettilikterin eskerýge jáne jumys algorıtmderin qurýǵa kómektesedi. Toqsan saıyn biz jergilikti turǵyndardy jumysqa ornalastyrý úshin onlaın-suhbattar uıymdastyramyz. Sondaı-aq mektep túlekterine bilim berý granttaryn usynyp jáne qaıta daıarlaý boıynsha pılottyq jobany iske asyryp otyrmyz Osy jobanyń arqasynda turǵyndar úsh aılyq kýrstardan ótip, kompanııaǵa jumysqa tura alady», dedi kompanııanyń jergilikti turǵyndarmen ózara is-qımyl jónindegi menedjeri Dınara Shangereeva.
Halyqqa áleýmettik qoldaý tanytý kompanııanyń nazarynan tys qalǵan emes. Olar eńbek ardagerleri men aýǵan soǵysynyń ardagerlerine, Chernobyl atom elektr stansııasyndaǵy apattyń saldaryn joıýǵa qatysýshylarǵa jáne múmkindigi shekteýli jandardyń da qajetine jarap keledi. О́ńirdiń órisin ashyp, halyqtyń ál-aýqatyn jaqsartýǵa kúsh salyp kele jatqan aımaqtaǵy alpaýyt kásiporyndardyń biri aldaǵy ýaqytta da iri jobalardyń, ilkimdi isterdiń basy-qasyanan tabylýdy kózdeıdi.
