Aq jaýlyqty áje 1922 jyldyń 1 kańtarynda Jarma aýdanynyń Bóke aýylynda dúnıege kelgen. Jastyǵyn óz qatarlastary sııaqty «Bári de maıdan úshin, bári de Jeńis úshin» uranymen tyl eńbegine arnaǵan. Soǵystan keıingi jyldary aýyl turmysynyń jaqsarýyna atsalysqan.
1970 jyldary aýyldyq keńeste hatshy, 1981-1985 jyldary ınternatta sharýashylyq meńgerýshisi bolyp eńbek etken. 1985 jyly zeınetkerlikke shyqty. Qazirgi ýaqytta 4 nemere, 8 shebere súıip otyrǵan qazynaly qarııa.
Oblys ákimi ájeniń qal-jaǵdaıyn bilip, ǵıbratty áńgimesin tyńdady. Qarııanyń ómir joly jastarǵa ónege ekenin tilge tıek etip, myqty densaýlyq tilep, syılyǵyn tabys etti.
«Qarty bar úıdiń qazynasy bar. О́zińizdeı ómirden kórgeni men túıgeni mol úlkenderimiz biz úshin temirqazyq ispettes. El-jurt, urpaq úshin jasaǵan eńbekterińiz umytylmaıdy. Sizderge qarap boı túzeımiz», dedi aımaq basshysy.
Bıjamal áje oblys ákiminiń arnaıy quttyqtaýyna alǵysyn aıtyp, analyq aq batasyn berdi.
