Senat depýtaty Ǵ. Sarybaev Memleket basshysy syrtqy saıasatty júrgizýde orasan zor jumys atqaryp keletinin atap ótti.
«Qazaqstan kópjaqty yntymaqtastyq, jahandyq qaýipsizdikti nyǵaıtý jáne turaqty damýdy qamtamasyz etý maqsatynda BUU ornyqty damý maqsattaryna qol jetkizý úshin josparly bastamalardy iske asyrýda.
Qazaqstan jahandyq arenada Qytaı, Reseı jáne AQSh sekildi alpaýyt memlekettermen qatar, orta derjavalarmen yntymaqtastyqty nyǵaıta otyryp, Eýrazııa aımaǵynda beıbit ómirdi qalyptastyryp keledi.
Orta Azııada tıimdi tepe-teńdikti qamtamasyz etý elimizdiń turaqty áleýmettik-ekonomıkalyq damýyna yqpal etedi, ınvestısııa salýǵa jaıly orta qurady, halqymyzdyń ómir súrý sapasyn arttyratyn bolady.
Ana balasymen, bala anasymen beıbit zamanda ómir súrsin! Ana tilimiz aman, elimizdiń irgesi berik, shańyraǵy bıik bolsyn! Jańa jyl elimizge qut - berekesin ala kelsin!», dep jazdy depýtat.
Aıta keteıik, Memleket basshysy Qasym-Jomart Toqaev «Ana tili» gazetine keń kólemdi suhbat bergen edi.
