foto: vıdeodan kadr
Aqmola oblystyq Polısııa departamentiniń málimetinshe, Astana-Shýchınsk tas jolynda 95 kóliktiń qatysýymen bolǵan iri jol-kólik oqıǵasynan keıin zardap shekken 11 adam aýrýhanaǵa jetkizilgen.
«70-ten astam adam jylytý ortalyqtaryna jetkizilip, azyq-túlikpen qamtamasyz etildi», delingen TJM habarlamasynda.
Qazirgi ýaqytta jol ýchaskesinde zardaptardy joıý jumystary jalǵasyp jatyr, oqıǵa ornynda polısııa qyzmetkerleri, tótenshe jaǵdaılar qyzmeti jáne «QazAvtoJol» mamandary jumys istep jatyr.
Polıseıler júrgizýshilerden patrýldik polısııa qyzmetkerleriniń talaptaryn múltiksiz oryndaýdy, olardyń jumysyna kedergi jasamaýdy surady.
«Júrgizýshilerdi aýa raıy jaǵdaıyn eskerip, joldarda óte saq bolýǵa jáne jaǵdaı jaqsarmaıynsha bul baǵytta júrmeýge shaqyramyz», dep surady polısııa qyzmetkerleri.
