Álem • 05 Qańtar, 2025

Damask áýejaıy halyqaralyq reısterdi qabyldaı bastaıdy

83 ret

kórsetildi

1 mın

oqý úshin

Sırııadaǵy Damask áýejaıy 7 qańtardan bastap halyqaralyq reısterdi qalpyna keltiredi. Bul týraly senbide Sırııanyń azamattyq avıasııa jáne áýe kóligi basqarmasynyń basshysy Ashhad as-Sleıbı málimdedi, dep habarlaıdy Sınhýa aqparat agenttigi, dep jazady Egemen.kz.

Abzal MAQASh

Damask áýejaıy halyqaralyq reısterdi qabyldaı bastaıdy

Foto: ashyq derekkóz

Sheneýniktiń Sırııa memlekettik SANA aqparat agenttigine bergen túsiniktemesine sáıkes bılik qazir Damask pen soltústik Aleppo qalasyndaǵy áýejaılardy halyqaralyq reısterdi oryndaý úshin jan-jaqty daıyndaýmen aınalysyp jatyr.

Áýe aılaqtarynyń jumysy 2024 jyly jeltoqsanda Sırııanyń burynǵy prezıdenti Bashar Asad úkimeti qulaǵannan keıin toqtatyldy.

2 qańtarda Qatar Airways ulttyq áýe kompanııasy 2025 jyldyń 7 qańtarynan bastap Damaskige reısterdi qalpyna keltiretinin habarlady.

Eske salsaq, Sırııa oppozısııasy Damaskiniń Asad rejıminen azat etilgenin jarııalady. Bul týraly Sırııadaǵy adam quqyqtaryn baqylaý ortalyǵy habarlady.

Keıinnen Bashar Asad prezıdenttik qyzmetten bas tartyp, elden ketý týraly sheshim qabyldaǵany belgili boldy.