Foto: dalanews.kz
Suhbat týraly pikirlesý úshin, ony jete oqyp shyǵýdy usynyp otyrmyz. О́ıtkeni, Prezıdenttiń oıyn, kózqarasyn qysqasha túrde jetkizý múmkin emes ekeni belgili.
Rasymen de, memleket ekonomıkasynyń órkendeýi, damýy, azamattardyń ál-aýqatynyń jaqsarýy, turmys sapasynyń artýy úshin biz búkil qoǵam bolyp belsendi aralasýymyz kerek. Tek Úkimet, Parlament, jergilikti bılik tarapynan emes, buǵan bıznes, úkimettik emes uıymdar, basqa da uıymdar, jalpy qoǵam atsalysýy mindetti.
Jalpy Prezıdent Q.K.Toqaev memleketimizdiń damýyna atsalysyp jatqan qoǵamnyń árbir múshesine: ujymnan – jeke adamǵa deıin eńbegin baǵalaıtynyn, ásirese jastardyń belsendiligine rızashylyǵyn bildiretinin aıtty.
Negizi suhbatta elimizde bolyp jatqan barlyq kúrdeli jáne ótkir máseleler kóterildi. Olarǵa Prezıdent tarapynan barynsha ashyq jaýap berilip, syrt aınalyp ketken nemese bultaryp qalǵan taqyryp bolmady.
Barlyq másele bizdiń memleketimizdiń tynys-tirshiligine qatysty, halyqtyń arasynda alyp-qashpa, túsinispeýshilik týdyrǵan pikirlermen qatar, halyqty tolǵandyryp júrgen máselelerge naqty jaýaptar alyndy. Sonymen qatar sońǵy kezderi el aýzynda júrgen, keıde jaǵdaıdy ýshyqtyrýǵa tyrysatyn qaýesetterge de toqtalyp, kúdikti jáıtterdi seıilte bildi.
О́tken jylǵa jáne elimizge áser etken oqıǵalarǵa baǵa berip qana qoımaı, memlekettik saıasattyń kóptegen aspektilerine, sonyń ishinde sıfrlandyrý, kásipkerlikti damytý, sybaılas jemqorlyq pen uıymdasqan qylmysqa qarsy kúres, sybaılas jemqorlyqqa qarsy kúres máselelerine tereń mán berdi. Til saıasaty jáne jastar, sondaı-aq Qazaqstannyń jahandyq derjavalarmen jáne halyqaralyq uıymdarmen baılanystary týraly ashyq aıtyldy.
Sonymen qatar «Ádiletti Qazaqstan» degenimiz ne?», «Zań jáne tártip» qaǵıdasy neni bildiredi?» degen mańyzdy suraqtarǵa da toqtalyp ótti. Memleket basshysy bul eki uǵymnyń bir-birimen tyǵyz baılanysta ekenin kórsetip, naqty krıterııler berdi. Ádiletti Qazaqstandy qurýdyń tabysy «Zań men tártipsiz» múmkin emes ekendigine nazar aýdardy.
Eldi jańǵyrtý taqyrybyna da mán berildi. Memleket basshysy eldi jańǵyrtýǵa baǵyttalǵan reformalar memlekettik qurylystyń quramdas bóligi ekenin jáne búginde el damýynyń úlken josparlary bar ekenin, ony júzege asyrýdy kózdep otyrǵanyn naqty atap ótti.
Tutastaı alǵanda, usynylyp otyrǵan reformalar saıası toqyraýdy boldyrmaı, eldiń turaqty áleýmettik-ekonomıkalyq damýyn qamtamasyz etetini anyq.
Bul Memleket basshysynyń memleketimizde bolyp jatqan barlyq oqıǵalar men faktilerden jáne atqarylyp jatqan sharalardan habardarlyǵyn, halyqpen birge ekenin, bárine zer salyp, baqylap otyratynyn, eń bastysy – halyqpen ashyq dıalogta ekenin taǵy da dáleldedi.
Jalpy biz qoǵam, memleket, jaı sózden, ósek-aıannan, qur sózden aýlaq bolýymyz kerek. Istiń, tirliktiń adamy bolý ýaqyty keldi ǵoı dep esepteımiz. Memleketshil bolý, patrıot bolý degen urandatý emes, ol árkim óz isin adal atqarý, memleketke, qoǵamǵa adal qyzmet etý bolyp tabylady.
Ádildikti, ádil memleket qurýdy basty ustanymǵa aınaldyrý qajet. Ol úshin eń aldymen zańdylyq jumys isteýi tıis. Bul týraly Prezıdent áýelden bastap aıtyp keledi.
Qazir depýtattar óńirlerde halyqpen kezdesýler ótkizip júr. Kezdesýlerde Prezıdenttiń saıasatyn, qabyldanyp jatqan zańdardy túsindirý jumystary júrgizilip jatyr. Osy kezdesýler barysynda Prezıdenttiń «Ana tili» basylymyna bergen suhbaty da qyzý talqylanyp jatyr. Sonyń ishinde atqarylyp jatqan túrli jumystar men elimizdiń áleýmettik-ekonomıkalyq damýy qyzý talqyda. Odan bólek, eldiń saıası júıesiniń ózgerýi tek halyqtyq referendým arqyly júzege asyrylýy tıis degen sózi arqyly halyqqa berilgen tańdaý erkindigin ańǵaramyz.
Bul kezdesýlerde jergilikti turǵyndar Memleket basshysynyń saıasatyn, reformalaryn, bastamalaryn qoldaıtynyn jetkizip jatyr. Ásirese jergilikti atqarýshy organdardyń reformalaryna kóńilderi tolatynyn, olardyń baǵytyn durys dep esepteıtinderin baıqaýǵa bolady. О́ńirdi biletin azamattardyń qyzmetke taǵaıyndalýy, memlekettik organdardy basqartýǵa deıin kóterilýi oń bastama retinde qabyldanyp jatyr.
Prezıdent óz suhbatynda Parlament depýtattarynyń atqaryp jatqan jumysy men qosyp jatqan úlesin oń baǵalaıtynyn jasyrmady. Bul jalpy Parlamenttiń Prezıdent júrgizip otyrǵan reformalary men bastamalaryn zańnamalyq turǵydan qamtamasyz etýdegi berilgen baǵasy ekeni anyq.
Búgingi tańda Parlament júrip jatqan reformalarǵa negiz bolatyn mańyzdy zańdarmen qatar, ózekti máselelerge arnalǵan Úkimettik saǵattar, Parlamenttik tyńdaýlar, dóńgelek ústelder ótkizip, depýtattar saýaldarynda ótkir máseleler kóterilip jatyr.
Sondyqtan búgingi Parlament ıdeıalar, ozyq oılar, túrli pikirler men kózqarastar talqylaıtyn, ortaq sheshim qabyldaıtyn alańǵa aınalyp otyr.
Qorytyndylaı kele, Qazaqstannyń damýynda mańyzdy qadamdar jasalyp, eldiń ishki jáne syrtqy saıası baǵyty durys jolda ekenin kórýge bolady. Infraqurylymnyń damýy men áleýmettik-ekonomıkalyq bastamalar jáne saıası jańǵyrý halyqtyń ómir sapasyn jaqsartýǵa baǵyttalǵan.
Álı BEKTAEV,
QR Parlamenti Senatynyń depýtaty
