Foto: gov.kz
Tehnıkalyq jáne kásiptik bilim berý júıesin reformalaýdy júzege asyrý maqsatynda Úkimetpen jumysshy mamandyqtar jylyn uıymdastyrý jónindegi respýblıkalyq jospar bekitildi, sondaı-aq mınıstrlikpen kásiptik-tehnıkalyq bilim berýdi transformasııalaýdyń 2025-2027 jyldarǵa arnalǵan Jol kartasy qabyldandy.
Oqý-aǵartý mınıstrliginiń málim etýinshe, búginde Qazaqstanda kásiptik-tehnıkalyq bilim berý júıesinde 772 kolledj jumys isteıdi, onda 565 myń stýdent oqıdy. 2024 jyldyń qorytyndysy boıynsha tehnıkalyq jáne kásiptik bilim berýdegi memlekettik tapsyrys kólemi 143 myń oryndy qurady, al stýdentterdiń stıpendııasy eki esege ósken.
Is-sharalar josparynda óńirlik erekshelikter eskerile otyryp jasalǵan Jańa kásipter men quzyretter atlasy, tehnıkalyq jáne kásiptik bilim berýdi transformasııalaý, halyqaralyq deńgeıdegi sertıfıkattalǵan mamandardy daıyndaý, jumysshy oryndaryn qurý, jumysshy mamandardyń quqyqtaryn qorǵaý jáne mártebesin kóterý qamtylǵan. Kásiporyndarmen birlesip el mektepterinde 1000 beıindi synyp ashylady.
«Kásiptik baǵdar berýdiń reformasy oqýshylarǵa eńbek naryǵyndaǵy jańa talaptar týraly bilýge, ekonomıkanyń naqty sektorlaryndaǵy mansap perspektıvalaryn baǵalaýǵa jáne mamandyqtardy durys tańdaýǵa múmkindik beredi. Bul úshin mektepterdegi kásibı baǵdarlaý qyzmeti kúsheıtiledi, osy arqyly oqýshylar tolyǵymen kásibı dıagnostıkamen qamtylady. Joǵary synyp oqýshylaryn praktıkalyq daǵdylarǵa jáne kolledjder bazasynda alǵashqy jumys kásibine oqytý tájirıbesi engiziledi», dep atap ótti Oqý-aǵartý mınıstri Ǵanı Beısembaev.
Memleket kolledjderdi jan basyna shaqqandaǵy qarjylandyrýdyń jańa normatıvin qabyldady. Qazirgi ýaqytta bir stýdentti oqytýǵa bólinetin qarajattyń ortasha mólsheri 437 myń teńgeni qurasa, kelesi oqý jylynan bastap naqty kórsetkishterge jetken kolledjder úshin ol ortasha eseppen 912 myń teńgeni quraıtyn bolady.
«Básekege qabiletti mamandar daıarlaý, bilim uıymdaryn zamanaýı materıaldyq-tehnıkalyq quraldarmen jabdyqtaý jáne pedagogterdiń biliktiligin arttyrý - basty basymdyq», dedi mınıstr.
Dýaldy oqytý júıesin damytý jáne kásiporyndardyń maqsatty tapsyrysy negizinde mamandar daıarlaý úshin bıznes-qurylymdar men ınvestorlardy belsendi túrde tartý josparlanyp otyr.
Qazirgi ýaqytta kolledjderge 518 kásiporyn sheftik qamqorlyq kórsetedi, olardyń sanyn 4 myńǵa deıin jetkizý josparlanǵan, kásiptik standarttardyń, MJMBS jáne WorldSkills standarttarynyń talaptaryn eskere otyryp, 8 myńǵa jýyq bilim berý baǵdarlamasy ázirlendi. Bıyl kolledjder men jumys berýshiler 2 myńnan astam bilim berý baǵdarlamasyn daıyndaıdy, sondaı-aq óndiristik bazada 1,5 myń pedagogtiń taǵylymdamadan ótýi josparǵa alynǵan.
Tehnıkalyq jáne kásiptik bilim berýdi transformasııalaý barysynda Qazaqstannyń 10 kolledji ınternasıonaldandyrylady.
Sheteldik kolledjdermen tájirıbe almasý pedagogterdiń kásibı quzyrettilikterin arttyrýǵa, sondaı-aq stýdentterdiń akademııalyq utqyrlyq sheńberinde óz bilimderin jetildirýine múmkindik beredi.
Memleket basshysy bastamashylyq etken Jumysshy mamandyqtarynyń jyly aıasynda Astanada tehnıkalyq jáne kásiptik bilim berý stýdentterin qoldaý jáne damytý úshin Ulttyq quzyrettilik ortalyǵy qurylady.
«Ortalyq stýdentterdiń kásibı quzyrettilikteri men daǵdylaryn damytýǵa yqpal etedi, sondaı-aq mamandardy qaıta daıarlaý, olardyń biliktiligin arttyrý jáne WorldSkills chempıonattaryn ótkizý bazasyna aınalady», dep atap ótti Ǵanı Beısembaev.
Jumysshy mamandyqtar jylyndaǵy mańyzdy is-sharalardyń biri – Aqtaý qalasynda túrkitildes elder arasynda Turkiskills-2025 alǵashqy kásibı sheberlik chempıonatynyń uıymdastyrylýy.
