METALL PROKATY ZAÝYTY – О́ŃIRDEGI IRI INVESTISIIаLYQ JOBALARDYŃ BIRI

Rýdnyı qalasyndaǵy “Sokolov-Sarybaı ken óndirý birlestigi” aksıonerlik qoǵamynda jańa metall prokaty zaýyty iske qosyldy. 2008 jyly bastalǵan zaýyt qurylysyn óndiris basshylyǵy aıtqan ýaqytynda aıaqtady. Jańa sıpattaǵy zaýyttyń ashylý saltanatynda sóz alǵan “SSKО́B” aksıonerlik qoǵamynyń prezıdenti Muhametjan Turdahýnov kenshilerdi óndiristegi damýdyń jańa satysyna kóterilýimen quttyqtady. – Biz shıkizat óndirý razrıadtarynan endi ony óńdeýge, ıaǵnı metallýrgııa kásipornyna kóshtik. Bul bizdiń óndiris tarıhyndaǵy eń ataýly kún bolýǵa tıis, – dedi Muhametjan Turdahýnov. Zaýyt jylyna 75 myń tonna metall prokatyn óndiredi. Temir keninen óńdelip shyǵatyn ılengen sterjen, usaqtalyp, jumbazdalǵan temir sharlar, tómengi sortty prokat, qurylys armatýralary kóbine ken alybynyń óziniń jáne ENRG kompanııasy kásiporyndarynyń ishki qajetine jumsalatyn bolady. Jańa tehnologııaǵa sáıkes óndiris ornynyń jabdyǵy da erekshe. Zaýytqa qurysh balqytatyn on tonnalyq eki elektr peshi, on bes tonnalyq ojaý-agregattar, daıyndalǵan quryshty úsh kólemde úzdiksiz quıyp turatyn máshıne ornatylǵan. Zaýytty saltanatty túrde iske qosqan oblys ákimi Sergeı Kýlagın bul óndiris orny óńirdegi ınvestısııalyq jobalar arasyndaǵy eń mańyzdylarynyń biri ekenin atap kórsetti. – Bıyl Qostanaı oblysynda on bir ınvestısııalyq joba júzege asýy kerek. Jaqynda ǵana jumysyn bastaǵan “Altyn maı” dıirmen kesheni solardyń alǵashqysy bolatyn. Mine, endi Sokolov-Sarybaı ken óndirý birlestigi óziniń metall prokaty zaýytyn iske qosyp otyr. Investısııalyq joba bolyp sanalatyn taǵy tórt kásiporyn jaqyn kúnderi paıdalanýǵa beriledi. Al jyldyń ekinshi jartysynda bes ınvestısııalyq joba bitedi, – dedi oblys ákimi Sergeı Kýlagın. Bul zaýyt qurylysyna ınvestısııalyq qarjyny Sokolov-Sarybaı ken óndirý birlestigiginiń ózi saldy. 7,5 mıllıard teńge jumsalǵan qurylys dúnıeni bir ýys etken qarjy daǵdarysynyń kezinde de qarqynmen júrip jatty. Munda 650 jumys orny jobalanǵan. Al maýsym aıynyń basynan 279 adam jumysqa shyqty. – Osydan jarty ǵasyr buryn ken orny ashylýyn bizdiń atalarymyz tolqyp turyp qarsy alǵan edi. Búgin zaýyttyń ashylýynda sol atalarymyzdyń urpaqtary, bizdiń de júregimiz alyp-ushyp tur. Alyp kásiporyn endi shıkizat óndirip qana qoımaıdy, metaldy ózimiz quıamyz. Men osy zaýyttan jumys ornymdy taptym, metallýrg mamandyǵy men úshin maqtanysh. Elime, Elbasyma rızamyn! – dedi prokat sehy bastyǵynyń orynbasary Qýan Júnisbekov. Peshten shyqqan qyp-qyzyl som temirdiń qyzýy bet qarıdy. Názıra JÁRIMBETOVA, RÝDNYI. KО́GILDIR ALAÝ – BEREKE NYShANY Aqqaınarlyqtar budan bylaı onyń ıgiligin kóretin boldy Osy kúnderde jan jadyratqan jańalyqtar qýantýda. Solardyń biri – jalyny alaýlaǵan tabıǵı gazdyń óńirdegi eldi meken halqynyń ıgiligine aınalǵany. Turmystaǵy kúıbeń tirlikti jeńildetken “kógildir otyndy” paıdalaný halyqtyń áleýmettik jaǵdaıy, turmys deńgeıi óskeniniń ólshemi ekendigi belgili. Sońǵy jyldary óńir halqyn tabıǵı gazben qamtý máselesi sheshimin taýyp, 2007-2015 jyldarǵa arnalǵan jáne 2020 jylǵa deıingi merzimdi qamtıtyn óńirdi keshendi gazdandyrý baǵdarlamasy júzege asyryla bastady. Nátıjesinde Ile, Talǵar, Jambyl, Qarasaı, taǵy basqa aýdandardaǵy ár otbasy tabıǵı gaz qyzyǵyna keneldi. Osy maqsatqa oblystyq bıýdjetten 809,4 mln. teńge qarjy bólinse, bıyl 270,7 mln. teńge qarjy jumsalyp, óńirdegi 44 eldi mekenge gaz qubyryn tartý jalǵasatyn boldy. Qazirgi kezde Almaty-Baıserke-Talǵar magıstraldyq gaz qubyry qurylysynyń jobasy ázirlense, onyń jalpy quny 6,3 mlrd. teńge. Atalǵan jobanyń iske asyrylýy Ile jáne Talǵar aýdandary eldi mekenderin “kógildir otynmen” qamtysa, endi Qapshaǵaı baǵytyndaǵy tutynýshylar da onyń ıgiligin kóretin bolady. “Táýekel-T” jaýapkershiligi shekteýli seriktestigi Jambyl aýdanyndaǵy Uzynaǵash, Qarasý, Jambyl, Qaraqystaq aýyldaryna gaz qubyryn tartyp, olar kúz ben qystaǵy kúıbeń tirliginen aryldy. О́tken aptada seriktestik ujymy jyr súleıi Súıinbaı aýylyna qubyr tartyp, halyqtyń iltıpatyna bólense, sársenbiniń sátinde aqqaınarlyqtardyń mereıin ósirdi. Sýyqtóbe taýynyń etegindegi shaǵyn aýyl jurtshylyǵy bul jańalyqty erekshe qabyldady. Jıynǵa oblys ákimi Serik Úmbetov qatysyp, ár úıdiń qazanyn qaınatyp, tirligin jaınatatyn tabıǵı gazdyń kelýi berekeniń nyshany ekendigin jetkizdi. Munyń bári Elbasynyń syndarly saıasatynyń, elimizdegi yntymaq pen birliktiń nátıjesinde múmkin bolyp otyrǵanyna ekpin berdi. Shy­nynda da ár otbasyndaǵy baq-bereke tirshilik tiregi otqa da tikeleı baılanysty. Qazaqstan-Qytaı gaz qubyry arqyly aldaǵy ýaqytta óńir turǵyndary osy ıgilikti múmkindiginshe tolyq paıdalanady. Osy qubyrdyń 6 shúmeginiń óńirdi jylyna 5,5 mlrd. tekshe metr gazben qamtamasyz etýge múmkindigi bar eken. Sonymen qatar Eńbekshiqazaq, Uıǵyr jáne Panfılov aýdandarynyń 87 eldi mekenin gazdandyrý josparlanǵan. Jınalǵan qaýym aldynda “Táýekel-T” seriktestiginiń bas dırektory Moldııar Nurbaev sóılep, jeke qarjysy esebinen óreli jumystardyń júzege asyrylǵanyna toqtaldy. Osylaısha seriktestik salaǵa 2008 jyly 731,0 mln. teńge, 2009 jyly 144 mln. teńge, aǵymdaǵy jyly 137 mln. teńge qarjy jumsapty. Qazirdiń ózinde myńdaǵan turǵyn “kógildir otyndy” paıdalansa, Uly Otan soǵysy men Altyn alqaly analarǵa edáýir jeńildikter bar. Endi tabıǵı gazdyń tamyrdaı jelileri Talap, Shıen, Qastek, taǵy basqa eldi mekenderge de jetkizilmekshi. Toqash Bokın atyndaǵy orta mekteptiń aldyndaǵy ashyq alańdaǵy mereıli sátke jınalǵandar atynan aqsaqaldar alqasynyń tóraǵasy Turysjan Túnǵatarov sóılep, turǵyndardyń turmysyn jeńildetken búgingi sharanyń qurmetiniń belgisindeı Moldııar Nurbaevtyń ıyǵyna zerli shapan jaýyp, alǵysyn aıtty. Kúmisjan BAIJAN, Almaty oblysy.