Májilis baspasóz qyzmetiniń habarlaýynsha, 64 myńnan astam jeke jáne 2 myńǵa jýyq zańdy tulǵalardy jylýmen, elektr energııasymen qamtamasyz etip kele jatqan kásiporynnyń aldynda sheshýdi qajet etetin kúrdeli máseleler bar.
Olardyń negizgisi – tozyǵy jetken jeliler, ishki júıelerdi jóndeýge qarjynyń jetkiliksizdigi jáne kadr tapshylyǵy. Jyl saıyn kásiporyn esebinen eki-úsh qondyrǵy kúrdeli jóndeýden ótkiziledi. Biraq soǵan qaramastan ınfraqurylym aýqymdy jańǵyrtýdy qajet etedi. Oǵan qosa, jylý elektr stansııasynyń jaýapkershilik aımaǵynan tys ornalasqan úıishilik jelilerdiń problemalary kórsetiletin qyzmetterdiń sapasyn tómendetedi.
Kásiporyn qyzmetkerlerimen kezdesý barysynda sondaı-aq strategııalyq nysandarǵa memlekettik satyp alýdyń erekshelikterine qatysty da mańyzdy máseleler kóterildi. Atap aıtqanda, qajetti qosalqy bólshekter Reseıden jetkiziledi. Biraq qazirgi satyp alý júıesi oǵan jón-josyqsyz jetkizýshilerdiń de qatysýyna múmkindik beredi. Bul jetkizý ýaqytyn uzartady, qolaısyzdyqtar týdyrady jáne jylytý jumystarynyń buzylý qaýpin arttyrady.
Sonymen qatar qyzmetkerlerdi basqa uıymdar arqyly medısınalyq tekserýden ótkizý máselesi de sóz boldy. Ol memleketke 60 mln teńge shyǵyn ákeledi. Densaýlyq saqtaý mınıstrliginiń qoldanystaǵy erejelerine sáıkes, kásiporyndarǵa medısınalyq tekserýdi ózdiginen júrgizýge ruqsat etilmeıdi, bul prosesti edáýir qıyndatady.
Taǵy bir mańyzdy másele – nysandardy kúzetý. Kúzet tarıfteri birjaqty tártippen kóterildi, bul kásiporynǵa qosymsha qarjylyq qysym keltiredi.
«Oral JEO myńdaǵan adamnyń ál-aýqatyna yqpal etetin strategııalyq nysan. Búgingi tańda kásiporynnyń qazirgi resýrstary qordalanǵan máselelerdi tolyqtaı sheshýge jetkiliksiz. Sondyqtan barlyq deńgeıde keshendi jańǵyrtý men qoldaý joldaryn izdestirý qajet», dedi Rýslan Berdenov.
Depýtat jylý elektr ortalyǵynan bólek, Reseımen shekaradaǵy «Syrym» baqylaý-ótkizý beketinde bolyp, shekaralyq ınfraqurylymdy jaqsartý máselelerin talqylady.
Sondaı-aq ol oblys basshylyǵymen, kásipkerlermen jáne belsendi jastarmen kezdesýler ótkizip, óńir turǵyndarynyń ózekti problemalarymen tanysty.
«О́ńirdegi máselelerdi sheshý jergilikti bılik, bıznes jáne respýblıkalyq qurylymdardyń qatysýymen júıeli áreket etý tásilin talap etedi. Batys Qazaqstan oblysynyń áleýeti zor jáne bizdiń maqsatymyz - ony tolyq kólemde paıdalanýǵa kómektesý», dedi depýtat.
