2021 jyly nysannyń alǵashqy bóligi qoldanysqa berilgen edi. Sodan beri 8,5 mıllıard kılovatt saǵat elektr energııasy óndirilgen. Endi stansa tolyqtaı iske qosylǵannan keıin kómirqyshqyl gazynyń mólsherin jylyna 1 mıllıon 200 myń tonnaǵa azaıtady. Bul kórsetkish – eldiń ekologııalyq ahýalyn jaqsartýǵa aıtarlyqtaı yqpal etetini anyq.
Eń qart qoǵam
Ońtústik Koreıa resmı túrde «eń qart qoǵam» sanatyna endi. Elde jasy 65-ten asqan adamdardyń sany 10,24 mıllıonǵa jetti. Birikken Ulttar Uıymynyń baǵalaýynsha, bul – álemdegi eń joǵary kórsetkish.
Al buǵan bılik qatty alańdaýly. О́ıtkeni Ońtústik Koreıa týý kórsetkishi kúrt azaıǵan memleketter qatarynda. Oǵan sebep – eldegi er adamdar otbasy qurýdaǵy jaýapkershilikten qashsa, qyzdar balaly bolýdan góri mansapty oılaıdy. Sondyqtan bıyl úkimetke demografııalyq daǵdarysty retteý jóninde tapsyrma berildi.
Velosıpedter eli
Nıderland eli velosıped eksporttaýdan kósh bastap tur.
Gollandyqtar jylyna 1,2 mln velosıpedti shet memleketterge satyp, odan shamamen 3 mlrd eýrodan astam tabys taýyp otyr. Halqynyń sany – 17,8 mln. Al kóliktiń bul túri 25 mıllıonǵa jýyq. Bir ǵana Amsterdamnyń ózinde 800 000-nan asady. Tipti týrısterge de arnaıy saıahat baǵyttary ázirlengen.
