Osylaısha shahar basshysy medısınadaǵy máselelerge bılik nazaryn aýdartpaq bolǵan. О́ıtkeni Belkastroda osy kúni 1300 adam ómir súredi. Onyń jartysyna jýyǵy egde adamdar. Biraq medısınalyq ortalyqtar kóbine jabyq turady. Jedel járdem kórsetý bólimi 45 shaqyrym jerde ornalasqan. Sondyqtan mer bul buıryqty mysqyl maǵynasynda túsingen durys deıdi.
Smart saqına
Las-Vegasta tanystyrylǵan jańa tehnologııalar jahan nazaryn aýdardy.
Ásirese «Ultrahuman» kompanııasynyń «Rare» dep atalatyn 18 karattyq áshekeı buıymy eldi eriksiz eleń etkizdi. О́ıtkeni bul smart saqına symbatyńyzdy saqtaıdy, saýlyǵyńyzdy baqylaıdy. Stress deńgeıin, dene temperatýrasyn qalypty ustaýǵa kómektesedi. Al «L’Oréal» kompanııasynyń «Cell BioPrint» qurylǵysy terige ájim túspeýin ájepteýir kesheýildetedi. Aıta keteıik, «Rare» jınaǵynyń baǵasy shamamen 2,000 dollar. Jaqyn kúnderi Parıj ben London dúkenderinde satylymǵa shyǵady.
Jyldam qýattaǵysh
Uıaly telefondy tym uzaq qýat-taý saldarynan órt shyǵyp jatatyn jaıttar az emes. Dástúrli «CES 2025» kórmesinde osy máseleniń sheshimi tabyldy.
«Swippitt IPS» qurylǵysy – smartfondardy 2 sekýndta-aq tolyq zarıadtaıdy. Link batareıa korpýstary qazirshe tek iPhone 14, 15, 16 úlgilerimen úılesimdi. Jańa tehnologııa osy jyly satylymǵa shyǵady.
