Búginde Shaǵan kentinde jalpy aýdany 336 sharshy metr bolatyn turǵyn úılerdiń qurylysy aıaqtalýǵa jaqyn. «Turǵyn úı-kommýnaldyq ınfraqurylymdy damytýdyń 2023–2029 jyldarǵa arnalǵan memlekettik baǵdarlamasy» sheńberinde kentte halyqtyń áleýmettik osal toptarynan shyqqan azamattarǵa 4 páter satyp alý josparlanǵan. Jańa aýdanda turǵyn úı alý kezeginde 83 adam tursa, 4 otbasy osy kent turǵyndary.
Kenttegi №24 negizgi jalpy bilim beretin mekteptiń oqý úderisinde ozyq ádistemelik quraldar paıdalanylady. Sondaı-aq aqparattyq tehnologııalarǵa qoljetimdilikti qamtamasyz etetin IT kabınet ashylǵan. Turǵyndar aldaǵy ýaqytta jańa, zamanaýı mektep boı kóterse deıdi. Kent ákimi Irına Popovanyń aıtýynsha, mektep salynyp jatsa, qalaǵa qatynap oqıtyn balalar óz aýylynda bilim alýǵa beıil.
Shaqaman aýylynda da turǵyn úı qurylysy máselesi oıdaǵydaı sheshimin taýyp keledi. 2024 jyly jalpy aýdany 504 sharshy metr bolatyn 6 páter satyp alyndy. Qazirgi ýaqytta úılerdi elektr jelilerine qosý jumysy júrip jatyr. Bul páterler áleýmettik osal toptaǵy azamattarǵa beriledi. Shaqaman aýylynda 8 otbasy turǵyn úı kezeginde tur.
Abaı oblysy
