Qoǵam • 15 Qańtar, 2025

«Bolashaqtyń oıyndary» týrnırin ótkizetin Dıreksııa quryldy

50 ret

kórsetildi

1 mın

oqý úshin

«Bolashaqtyń oıyndaryn» daıyndaý jáne ótkizý jónindegi uıymdastyrý komıtetiniń tapsyrmasyna sáıkes, «Qazsportınvest» aksıonerlik qoǵamy bazasynda mamandandyrylǵan Dıreksııa quryldy. Atalǵan mýltısporttyq týrnır 2026 jyly Astanada ótedi dep habarlaıdy Egemen.kz.

Qyrmyzy JUMAǴALIQYZY

«Bolashaqtyń oıyndary» týrnırin ótkizetin Dıreksııa quryldy

Foto: Týrızm jáne sport mınıstrligi

Týrızm jáne sport mınıstrliginiń habarlaýynsha, Dıreksııanyń mindeti – 2026 jyly Astanada ótetin «Bolashaqtyń oıyndary» halyqaralyq mýltısporttyq týrnırin uıymdastyrý jáne ótkizý.

Prezıdent Qasym-Jomart Toqaevtyń bastamasymen júzege asyrylatyn is-shara el sportyndaǵy mańyzdy oqıǵa bolmaq.

Aıta keteıik, 2024 jylǵy 13 qazanda Dýbaıda (BAÁ) ótken resmı rásimde Qazaqstan 2026 jyly dástúrli sport túrleri men kıbersportty biriktiretin biregeı týrnır – Phygital Games of the Future jarysyn ótkizý quqyǵyna ıe bolǵan edi. 2026 jylǵy jarysty uıymdastyrýǵa Qazaqstannan bólek, Perý jáne Chılı memleketteri de úmitker bolǵan.