foto: gov.kz
Mınıstr óziniń jańa qyzmetin sýdıalyq jumysymen biriktire almaıdy, sondyqtan senatorlar ony Konstıtýsııalyq sottaǵy qyzmetinen bosatýdy usyndy.
Senat Tóraǵasy Máýlen Áshimbaev Prezıdent jarlyǵymen jaqynda ǵana taǵaıyndalǵan Konstıtýsııalyq sot Senatynyń sýdıasy Erlan Sársembaevtyń Ádilet mınıstri bolyp taǵaıyndalǵanyn atap ótti.
«Konstıtýsııalyq sot týraly konstıtýsııalyq zańǵa jáne Senat reglamentine sáıkes Konstıtýsııalyq sot sýdıasynyń ókilettigin toqtatý týraly qaýly qabyldaýymyz qajet. Erlan Jaqsylyqulynyń sýdıa retindegi eńbegine rızashylyǵymyzdy bildirip, aldaǵy qyzmetine sáttilik tileımiz», dedi Máýlen Áshimbaev.
Eske salaıyq, Erlan Sársembaev 2023 jyldyń 1 qańtarynan bastap Konstıtýsııalyq sottyń sýdıasy bolyp jumys istedi. 2025 jyldyń 9 qańtarynda Ádilet mınıstri bolyp taǵaıyndaldy.
Buǵan deıin Ádilet mınıstri qyzmetin Azamat Esqaraev atqarǵan edi.
