Bul óner týyndysy ártúrli tústi kúrish sorttaryn belgili bir tártippen egip, úlken kólemdi sýretter jasaý arqyly oryndalady. Bıiktikten qaraǵanda bederli beıneler erekshe áserge bóleıdi. Aýyl sharýashylyǵy men ónerdiń ushtasqan tusy da – osy. Atalǵan dástúr alǵash ret 1993 jyly Inakada aýylynda bastalyp, búginde búkil elge tanymal boldy.
Yńǵaısyz dúken
Qytaıdyń Hýan provınsııasyndaǵy Sınıýchjaı Ulttyq geologııalyq parkinde alpınısterge arnalǵan erekshe dúken bar.
Ereksheligi sol, bul dúńgirshek 120 metr bıiktikte, tik jartastyń shetinde ornalasqan. Satýshy jumys ornyna jetý úshin ózi de osynda órmelep shyǵýǵa májbúr. Keıde dúkenshi bolmaǵan jaǵdaıda alpınıster QR-kod arqyly tólem jasap, qalaǵan zatyn satyp alady.
Egizder aýyly
Úndistannyń Kerala shtatyndaǵy Kodınhı aýyly álemge «Egizder eli» degen ataýmen tanymal.
О́ıtkeni munda qazir 500-den astam egiz bar. Ǵalymdardyń aıtýynsha, osynaý erekshe qubylystyń sebebi genetıkadan buryn, sol aýyldyń tabıǵatyna baılanysty. Taǵy bir tańǵalarlyǵy, dúnıe júziniń basqa jerlerimen salystyrǵanda bul eldi mekende egizder alty ese jıirek ómirge keledi eken.
