Ambýlatorııalyq lıft múgedektigi bar azamattardy áýe kemesiniń bortyna otyrǵyzýǵa jáne túsirýge arnalǵan. Elimizdiń zańy jáne halyqaralyq standart boıynsha barlyq áýejaıda mindetti túrde osyndaı mamandandyrylǵan arnaıy tehnıka bolǵa tıis.
«Ambýlatorııalyq lıft – jaı ǵana qural emes, keshendi tehnıka. Mundaı tehnıka elimizdiń basqa qalalarynda qoldanysta bar. Biraq olar shetelde shyǵarylǵan. Al bizdegi lıft – otandyq ónim. «STAHLBAU» JShS qurastyrǵan tehnıka oblys ákimdiginiń qoldaýymen satyp alyndy. Alǵash ret Almaty-Semeı baǵytyndaǵy jolaýshylar úshin synaqtan ótkizip kórdik. Endi kúndelikti jumys isteıtin bolady», deıdi áýejaı dırektory Ǵazızbek Samatov.
О́tken jyldyń sońynda Semeı áýejaıy oblys ákimdiginiń qoldaýymen 110 adamdy tasymaldaýǵa arnalǵan zamanaýı avtobýsqa qol jetkizgen. Avtobýsta múgedektigi bar jandardyń jaıy eskerilgen. Osy arqyly olardyń kedergisiz qatynaýyna múmkindik jasalǵan. Jolaýshylardy termınaldan ushaqqa jáne keri jedel tasymaldaý júzege asyrylady.
SEMEI
