Poshta qyzmetin jetildirý máselesin talqylady

Onda «Qazaqstan Respýblıka­sy­nyń keıbir zańnamalyq aktileri­ne baılanys qyzmetterin kórsetý, memlekettik satyp alý, kólik jáne poshta máseleleri boıyn­sha ózgerister men tolyqtyrý­lar engizý týraly» zańdy tal­qylaý kún tártibindegi basty másele boldy.

Otyrys barysynda zańnyń maqsaty poshta baılanysyn damytý, jetkizýdi ońaılatý, poshtany ornalastyrý jáne poshtaǵa jaýapty organdardyń jumysyn jaqsartý ekeni atalyp ótti. Otyrysqa qatysýshy­lar «Qazposhta» AQ qyzmetin egjeı-tegjeıli talqylaı kelip, poshta, logıstıka, qarjy salasy men áleýmettik qyzmet kórsetý, aýyldyq jerlerdegi memlekettik qyzmetterdi damytý jáne materıaldyq-tehnıkalyq bazany nyǵaıtý máselelerine nazar aýdardy. Aýyldyq eldi mekenderdi poshta jáne qarjy ınfraqurylymymen qamtama­syz etý, poshta bólimshelerin saqtaý jáne poshta qyzmet­ker­leri­niń jalaqy deńgeıin arttyrý taqyryby da qozǵaldy.

Senat komıtetiniń tóraǵasy Súıindik Aldashev shalǵaı óńir­lerde birqatar qyzmet túr­leri ǵana usynylatyn poshta bólimsheleriniń áleýmettik róline toqtaldy.

Qatysýshylar kezdesý barysynda «Qazposhtany» turaqty damytý jóninde usynystar aıtty jáne salany nyǵaıtý úshin ın­vestısııa tartý qajettigi týraly oılaryn ortaǵa saldy.