Eksperımentte tájirıbe kezinde Beıjiń men Doha áýejaıynyń sýretteri spýtnıkten jerge lazer arqyly 100 Gbıt/sek jyldamdyqpen jiberildi. Lazer tehnologııasy derekterdi radıotolqyndar arqyly tasymaldaıtyn «Starlink» júıesin basyp ozdy. Kompanııa mamandarynyń aıtýynsha, bul tehnologııa 6G jelileriniń damýyna serpin berip, aýa raıynyń kez kelgen jaǵdaıynda turaqty baılanys ornata alady. Qazirgi tańda «Chang Guang» kompanııasy 117 spýtnıkti basqaryp otyr. Al aldaǵy 3 jylda olardyń sanyn 300-ge jetkizý kózdelýde. Bul jańalyq ǵaryshtyq baılanystyń bolashaǵyn múlde jańa deńgeıge kótermek.
Sýret arqyly mekenjaıdy anyqtaıdy
Sýrettegi naqty oryndy anyqtap, 3D modelder qura alatyn jańa neırojúıe paıda boldy.
Qazirgi ýaqytta bul tehnologııanyń demo-nusqasy San-Fransısko aımaǵynda qoljetimdi. Tolyq nusqasyna qol jetkizý úshin arnaıy tizimge tirkelý qajet. Buǵan deıin Stenford ýnıversıtetiniń zertteýshileri fotosýretterdegi nysandardyń ornyn 40 shaqyrym dáldikpen anyqtap, mekenjaıdy 95% jaǵdaıda durys anyqtaıtyn PIGEON jasandy ıntellekt júıesin ázirlegen edi. Al jańa neırojúıe óziniń joǵary dáldigimen ári 3D model jasaý múmkindigimen erekshelenedi.
JI jumys ornyn kóbeıtedi
Jasandy ıntellekt adamnyń ornyn basyp, olardy jumyssyz qaldyrady degen qorqynysh bar. Alaıda dúnıejúzilik ekonomıkalyq forýmnyń esebinshe, kerisinshe JI 2030 jylǵa qaraı 170 mıllıon jańa jumys ornyn ashady eken.
Búginde neırojúıe keıbir jumystardy adamnan artyq oryndaıtyn deńgeıde. Biraq sarapshylardyń pikirinshe JI damyǵan saıyn júıeni meńgergen qyzmetkerlerge suranys arta túspek. Álemdik kompanııalardyń 77%-y qyzmetkerlerin jasandy ıntellekt júıesimen jumys isteýge úıretýdi kózdep otyrsa, 40%-y qyzmetkerlerin JI júıesine almastyrýǵa daıyn ekenin atap ótken. «OpenAI» basshysy Sem Altmannyń sózinshe, JI eńbek naryǵyna úlken ózgeris ákeledi ári qoǵamǵa jańa mamandyqtardy engizedi.
