Sýret: anatili.kazgazeta.kz
Qazirgi tańda bul model qazaq tiliniń leksıka, morfologııa men semantıkanyń taǵy basqa salasynda, onyń ishinde qazaq tilinde mátindi generasııalaý, perıfraz jasaý, kontekspen jumys isteý, yqshamdaý, sondaı-aq grammatıkalyq jáne pýnktýasııalyq qatelerdi túzetý, frazeologızmderdiń mánin ashý, termınderdi aýdarý sııaqty tapsyrmalardy oryndaıdy.
Salalyq «LLM» modeli «Hugging Face» platformasyna júkteldi. Iаǵnı ol barlyq qoldanýshyǵa qoljetimdi. Osy modeldi qoldaný arqyly jasandy ıntellektiniń kómegimen kóptegen qazaqsha IT ónimdi daıyndaýǵa bolady. Bul Prezıdent Joldaýynda aıtylǵanyndaı «jasandy ıntellektini keńinen qoldanatyn jáne sıfrlyq tehnologııalardy damytyp jatqan elge aınalýǵa» zor múmkindik beredi.
«Til-Qazyna» ortalyǵynyń sarapshylary modeldi jasaý barysynda tabıǵı tildi óńdeý algorıtmin qoldanyp, úlken kólemdegi derekterdi óńdegen. Atap aıtsaq: birinshi – sózderdi tekserý maqsatyna 684 876 sózqoldanys (leksıkalyq birlik) qoldanyldy; ekinshi – sóz tirkesterin tekserý júıesin jetildirý úshin 20 212 qatar sóz tirkesiniń durys jáne qate nusqalary qoldanyldy; úshinshi – pýnktýasııalyq qatelerdi túzetý maqsatynda 5558 mátin taldandy; tórtinshi – mátin qurylymyn túzetý úshin 3000 mátinniń durys-burys nusqasy ázirlendi; besinshi – sóılemdi yqshamdaý fýnksııasy úshin 6000 sóılemniń tolyq jáne yqshamdalǵan kontent bazasy jasaldy; altynshy – perıfraz fýnksııasy úshin 14 790 sınonımdik qatar jınaqtaldy; jetinshi – jalpy qazaq tiliniń 35 GB óńdelgen korpýsy qoldanyldy.
Bıyl modelge sóılesý (daýystyq) fýnksııasy qosylyp, qoldanýshylarǵa yńǵaıly ınterfeıs ázirlenedi. Sonymen qatar joba A1, A2 jáne B1 deńgeıleri boıynsha til úıretýge qabiletti bolsa, kelesi jyly B2, C1 deńgeıinde oqytady.
Jobanyń sońǵy nátıjesi retinde kez kelgen til úırenýshiniń deńgeıine saı jeke oqytý baǵdarlamasyn daıyndap, úıretýge qabiletti daýystyq kómekshi jasalady. Ol «IOS» jáne Android júıelerinde jumys isteıtin mobıldi qosymsha túrinde usynylmaq.
