Salystyrý úshin aıtsaq, 2023 jyly múgedektigi bar adamdar ınvataksı qyzmetine 53,9 myń ret júgingen eken. Invataksıdiń sapasy men qyzmet kórsetý jyldamdyǵyn arttyrý maqsatynda Eńbek jáne halyqty áleýmettik qorǵaý mınıstrligi ákimdiktermen birlesip, qyzmetti jetildirýdiń túrli joldaryn qarastyryp jatyr. Aıtalyq, osyǵan deıin azamattar ınvataksıge kún buryn, telefon arqyly jazylatyn. Sapardy aldyn ala josparlap, ınvataksıdi kútýge májbúr bolatyn. Onyń ústine kólik quraldarynyń jetispeýshiligi de baıqalady. Osy túıtkildi sheshý maqsatynda mınıstrlik usynǵan qanatqaqty joba arqyly ınvataksı qyzmetine taksı agregatorlaryn tartýǵa múmkindik týdy. Mundaǵy basty shart – saparlardyń aqysynda artyq paıyzdyń bolmaýy. Olar ádette agregator platformalarynyń paıdasyna aýdarylady.
Bul rette «Iаndeks» kompanııasynyń jobaǵa óteýsiz negizde qatysýǵa nıet bildirgeni qýantty. Azamattar endi «Iаndeks Go» mobıldi qosymshasy arqyly Invataksı qyzmetin paıdalana alady. Bul – qyzmet alýshyǵa kólikti tezirek tańdaýǵa, onlaın rejimde tapsyrys mártebesin qadaǵalaýǵa, jasalǵan saparlarǵa monıtorıng júrgizýge múmkindik beredi. Qosymshada múgedektigi bar adamdar júrgizýshige sapardaǵy erekshe qajettilikteri týraly eskertýge arnalǵan múmkindikter ekrany bar. Júrgizýshiler adamdy kólikke otyrǵyzarda, túsirerde qalaı kómek kórsetýge bolatyny týraly arnaıy nusqaýlar alady. Bıyl jobany qanatqaqty rejimde iske asyrý jalǵasady. Tájirıbeni eldiń basqa da óńirlerine taratý josparlanyp otyr.
