Foto: krassever.ru
Qazaqstan Respýblıkasy Prezıdentiniń janyndaǵy áıelder isteri jáne otbasylyq-demografııalyq saıasat jónindegi ulttyq komıssııanyń músheleri osy oqıǵaǵa baılanysty ata-analarǵa úndeý jasady.
«Kazakhstan Kids Online» zertteýine sáıkes, Qazaqstanda balalardyń 15%-dan astamy ınternettegi teris mazmunmen kúndelikti kezdesedi. Beıneoıyndarǵa, áleýmettik jelilerge jáne onlaın qarym-qatynasqa táýeldilik artyp keledi. Bul kóbinese balalardyń qoǵamnan oqshaýlanýyna alyp kelip, otbasydaǵy túsinispeýshilikter men janjaldarǵa sebep bolady.
«Qurmetti ata-analar!
Ulttyq komıssııa sizderdi balalaryńyzdyń qyzyǵýshylyqtary men máselelerine aıryqsha kóńil bólýge shaqyrady. Balalaryńyzdyń ómirine qatysý, olardyń áýestikterine shynaıy qyzyǵýshylyq tanytý jáne senimge negizdelgen qarym-qatynas, dıalog qurý – olardyń úılesimdi damýynyń negizi jáne múmkin bolatyn qaýipterdiń aldyn alýdyń tıimdi joly.
Sonymen qatar, biz ata-analarǵa balalardyń ınternettegi kontenti men ótkizetin ýaqytyna nazar aýdarý úshin qoljetimdi «ata-ana baqylaýy» quraldaryn paıdalanýǵa keńes beremiz. Bul balalardy gadjetterge shamadan tys áýestenýden, destrýktıvti oıyndardan qorǵaýǵa jáne kıberqaýip-qaterlerdi azaıtýǵa kómektesedi. Kıberqaýipsizdikke muqııat mán berý otbasylyq salamatty ómirdiń mańyzdy bóligine aınalýǵa tıis», delingen úndeýde.
Ulttyq komıssııa músheleri ata-analardy balaǵa úlgi bolyp, olardy qajetti deńgeıde qadaǵalaýǵa shaqyrdy.
