Jyldyń úzdik jaýynger-sportshysy

Árıne, bul jetistikke jetý jas jaýyngerge ońaı bolǵan joq. О́zi­niń aıtýynsha, ol bala kezinen sportqa qyzyǵýshylyq tanytypty. Sport onyń áskerı qyzmettegi jetistikterine negiz qalady desek, bola­dy. Buǵan deıin de jas sarbaz jyl boıy uıymdastyrylatyn áskerı-sporttyq jarystarǵa bel­sene qatysyp, úshsaıys pen kóp­saıystarda, túrli týrnırlerde júl­deger men jeńimpaz atanyp júr­di. Asylbektiń ómirindegi bas­­ty jetistigi qoıan-qoltyq urys boıynsha búkil armııa ja­rys­tarynda baq synap, óziniń jaýy­­n­­gerlik qarym-qabileti men jo­ǵa­ry kásibıligin kórsetýi boldy.

Onyń qol jetkizgen júl­de­leriniń ishinde «Qarýly kúsh­ter vzvodynyń úzdik serjanty–2024» atalymy bo­ıynsha alǵan marapatynyń orny erekshe. Ol búkil armııa arasynda ótken sol áskerı-sporttyq baı­qaý­da júzden júırik shyǵyp júl­deli oryndy jeńip alǵan edi. Asylbekpen birge qyzmet atqaratyn áriptesteri men áskerı jaýapty mamandar onyń boıynda kóshbasshylyq qasıet baryn aıtty, sondaı-aq eń qıyn jaǵdaılarda sal­qyn­qandylyq tanytyp, durys sheshim qabyldaı alatyn qabilet pen minezin de maq­­tady. Al joǵaryda aıtyp ót­ken áske­rı-sporttyq baıqaýǵa ol tyń­ǵylyqty daıyndaldy. Kon­­­kýrstyń árbir kezeńi tek fı­zı­kalyq kúshti ǵana emes, so­ny­men qatar sabyrlyq pen psı­hı­kalyq baıyptylyqty, tý­ra taktıka men durys strategııa qa­lyp­tastyrýdy qajet etetini anyq.

«Meniń jetistigimniń qu­pııasy – tártip, tabandy jat­ty­ǵýlar jáne áriptesterim men komandırlerimniń qoldaýy der edim. Meniń oıymsha, sporttyń mindeti – adamdy fızıkalyq kúshti etý, ózgelerden artyq qylý emes. Sport birinshi kezekte kez kelgen jandy kóshbasshy bolýǵa úıretedi, sondaı-aq komandamen birlesip jumys isteýge, ózińdi bir otbasynyń múshelerindeı sezinýge tár­bıe­leıdi. Kúndelikti ómiri jattyǵý zalynda ótip jatqan men sekildi árbir adam sporttyń negizgi maqsaty men boıymyzdaǵy jaqsy qasıetterdi ashýǵa kómektesetin osyndaı keremet múm­kindikteri baryn esten shy­ǵarmasa eken deımin. «Ásker tar­lany–2024» baıqaýyndaǵy jeńis – tek bir meniń emes, sonymen qatar áriptesterimniń de jeńisi. О́ıtkeni olar meniń osy bıik maqsatqa jetýime tilekshi bolyp, qoldan kelgenshe barynsha qoldaý kórsetip otyrdy. Buǵan qosa áskerı jarystaǵy zor jetistigim – eń aldymen bú­kil otbasymnyń maqtanyshy. Me­niń­­she, óz ortańnyń, týǵan-týys­­taryńnyń arasynda adal eń­begińmen abyroıǵa bóle­ný­den artyq qurmet joq», dedi mer­­­­­gender vzvodynyń serjanty A.Qarabaı aǵynan jarylyp.

Qoryta aıtqanda, aǵa serjant Asylbek – birge áskerı qymet atqaryp júrgen árip­tes­teri úshin naǵyz úlgi alatyn azamat. Sonymen qatar onyń sporttyq jarys jolyndaǵy baǵyndyrǵan beles­teri qol astynda áskerı boryshyn ótep jatqan mer­zimdi qyzmet sarbazdaryna shabyt syılaıdy. Jalpy, jeńis – áskerı tilmen aıtqanda óz shebinde qaıtpaı turyp alatyndarǵa, qaısar minez, ór rýh arqyly artqa qaıtýdy bil­meı­tinderge ǵana beriletin syı. Sonyń jarqyn mysaly men aı­qyn kórinisi – aǵa serjant Asyl­bek Qarabaıdyń sporttaǵy erlikteri.

ShYMKENT