Baspana salý bıyl da jalǵasady

Halyqtyń áleýmettik osal top­taryna jalǵa beriletin pá­terlerge erekshe nazar aýdary­lyp, jalpy aýdany 79,5 myń sharshy metr bolatyn 1070 páter satyp alyndy. 2024 jyly kezekte turǵan 848 adam jańa tur­ǵynjaıdyń kiltin aldy. Atap aıtqanda, úıleri apatty jaǵ­daıda dep tanylǵan 70 turǵyn, ata-anasynan aıyrylǵan 155 bala, halyqtyń áleýmettik osal toptaryna jatatyn 307 adam, 225 kópbalaly otbasy, 91 mem­lekettik, bıýdjettik uıym­dar­dyń qyzmetkerlerine jańa baspana kilti tabystaldy.

«Oblys bıyl da nesıelik turǵyn úı qurylysyn belsendi jalǵastyrýdy josparlap otyr. Kópqabatty úılermen qatar jeke turǵyn úıler de salynady. Semeı, Aıagóz qalalarynda jalpy aýdany 54,6 myń sharshy metrdi quraıtyn 14 úıdiń qurylysy júrgizilip jatyr. Aldaǵy ýaqytta taǵy 6 kópqabatty úıdiń qurylysy bastalady. Bul kóptegen otbasylarǵa tıimdi sharttarmen jeke baspana satyp alýǵa múmkindik beredi», deıdi Abaı oblysy ákiminiń orynbasary Dımıtrıı Garıkov.

Jalpy, óńirde turǵyn úıge suranys óte joǵary. Qazirde 19 850 adam turǵyn úı kezeginde tur. Ásirese ómir, eńbek jolyn endi bastaǵan jastardyń basty máselesi baspana bolyp otyr. Qoljetimdi baspanamen qamtamasyz etýdegi negizgi sharalardyń biri «Otbasy bank» AQ arqyly baǵdarlamalardy júzege asyrý bolashaqta jal­ǵa­sady. Qazir aımaqta jas­tar men oblys turǵyndary bas­pa­na­ǵa negizgi úsh baǵdarlama – nesıe merzimi 19 jylǵa deıingi «Naýryz», syıaqy mólsherlemesi jyldyq 9%-ǵa deıingi «Otaý», Turǵyn úı keshenin damytýdyń 2023–2029 jyldarǵa arnalǵan tujyrymdamasy aıasyndaǵy baǵ­dar­lama arqyly qol jetkize ala­dy.

Sondaı-aq Semeı qalasy ákim­digi men «Otbasy bank» bir­lesip júzege asyryp jatqan «Abaı jastary» óńirlik baǵ­darlamasyn erekshe atap ótý kerek. Baǵdarlama aıasynda ótken jyly oblystaǵy jumysshy jas­tardyń arasynan 19 otbasy baspana kiltine ıe boldy. Aıagóz aýdanynyń jastaryna arnalǵan «Qozy Kórpesh – Baıan sulý» jastar baǵdarlamasy da jas­tar­dy baspanamen qamtamasyz etýge baǵyttalǵan. Jalpy, aımaq tur­­ǵyndary men barlyq sanat­taǵy azamattardy turǵyn úımen qamtamasyz etý sharalary bıyl­ǵy jyly da sátimen jalǵa­saty­nyna senim mol.

Abaı oblysy