Aýdan ortalyǵynan 80 shaqyrym shalǵaıda jatqan Qaraoba aýylyndaǵy Qaıbýshevtar áýletin aýyldastary jaqsy biledi. Talaı jyldan beri qaıyrymdylyq pen qamqorlyqtyń, qarapaıymdylyqtyń úlgisin kórsetip júrgen otbasynyń izgi isi atadan balaǵa jalǵasyp kele jatyr. Osy aýyldyń atymtaı-jomarty atanǵan, «Aqbota» sharýa qojalyǵynyń jetekshisi, marqum Mereke Ermekuly da eńbekqor jumysshylaryn únemi qoldap, tipti avtokólik mingizip te jiberetin. Aýyldaǵy muqtaj jandar, ardagerler árdaıym Mereke Qaıbýshevtiń kóz qyrynda, qamqorlyǵynda júretin. Mine, osy úlgi búginde Qýanysh Merekeulyna da juǵypty.
Aýyl sharýashylyǵynda talaı jyldan beri ter tógip júrgen qarapaıym eńbek adamy Serikqalı Sársenǵalıuly úshin 2025 jyl úlken qýanyshpen bastaldy. Qojalyq jetekshisi qyzmetkeriniń uzaq jylǵy adal eńbegin baǵalap, avtokólik syıǵa tartty. Ujymda on jyl qyzmet atqarǵan Araılym Ermaǵanbetqyzy bul kúni sý jańa jatyn bólme jıhazyna ıe boldy.
Kópshilik jaqsy biledi, aýyl sharýashylyǵynda demalys bolmaıdy. Maýsymdyq jumystar birinen soń biri almasyp keledi de otyrady. Dál qazir sharýa qojalyǵy qystyń qysymynan aman shyǵý úshin baryn salyp jatyr. О́tken jazdyń qýańshylyǵy, esepsiz kóbeıgen aqbókenniń saldarynan mal azyǵynyń tapshy bolýy aýyldaǵy aǵaıynǵa ońaı tıip otyrǵan joq. Soǵan qaramastan, qarapaıym jumysshylardy qoldap, eńbegin baǵalap otyrǵan qojalyq jetekshisine halyq erekshe rıza boldy.
Qaztalov aýdandyq máslıhatyndaǵy «Amanat» partııasy fraksııasynyń múshesi, «Er-qanat» sharýa qojalyǵynyń jetekshisi Qýanysh Qaıbýshev bıyl Prezıdent bastamasymen jarııalanǵan «Jumysshy mamandyqtar jylyn» osyndaı bastamamen ashyp otyr.
Batys Qazaqstan oblysy
