Uıymdastyrýshylar: Qazaqstan halqy Assambleıasy, Qazaqstan Respýblıkasy Ǵylym jáne Joǵary bilim mınıstrligi Ǵylym komıtetiniń Memleket tarıhy ınstıtýty, Qazaqstan Respýblıkasynyń Ulttyq mýzeıi.
Konferensııa etnosaralyq kelisim men jalpyulttyq birlikti nyǵaıtýdaǵy Qazaqstan halqy Assambleıasynyń 30 jyldyq tájirıbesin taldaý jáne talqylaý, zamanaýı syn-qaterler men perspektıvalardy aıqyndaý, sondaı-aq jahandyq ózgerister jaǵdaıyndaǵy birlik pen yntymaqtastyqty damytýdyń saıası baǵyty boıynsha usynystardy ázirleý maqsatynda uıymdastyryldy.
Is-sharaǵa QR Prezıdenti Ákimshiligi Qazaqstan halqy Assambleıasy Hatshylyǵynyń meńgerýshisiniń orynbasary A.Shegorsova, QR Ǵylym jáne Joǵary bilim vıse-mınıstri D.Ahmed-Zakı, QR Parlamenti Senatynyń depýtaty N.Nııazova, QR Parlamenti Májilisiniń depýtaty B.Kerimbek, , QR Mádenıet jáne aqparat mınıstriligi Etnosaralyq qatynastardy damý komıtetiniń tóraǵasy Ǵ.Shoıkın, «Qoǵamdyq kelisim» RMM dırektory E.Masagýtova, QR Ǵylym jáne joǵary bilim mınıstrligi Ǵylym komıteti Memleket tarıhy ınstıtýtynyń dırektory N.Pusyrmanov, Astana qalasynyń Tilderdi damytý jáne arhıv isi basqarmasynyńbasshysy S.Esirkep, Ulttyq Quryltaıdyń, QHA Ǵylymı-sarapshylyq keńesiniń músheleri, qazaqstandyq jáne sheteldik (T.Dronzına(Bolgarııa), A.Vejbıskı (Polsha), R.Ýsmanov(Reseı), K.Sabırov (О́zbekstan) ǵalym–sarapshylar, QHA qoǵamdyq qurylymdarynyń ókilderi qatysty.
Anastasııa Shegorsova óz alǵy sózinde Assambleıanyń 30 jyldyǵy birlik pen kelisim saıasatyn damytýdaǵy mańyzdy kezeń ekenin atap ótti. Sondaı-aq ol ǵylymı-tájirıbelik usynystardy odan ári ilgeriletý jáne etnosaralyq qatynastardy nyǵaıtý salasyndaǵy ozyq tásilderdi engizý boıynsha kúsh-jigerdi kúsheıtý memlekettik deńgeıde sheshimder qabyldaý úshin praktıkalyq usynystar ázirleýge múmkindik beretinin basa aıtty.
Konferensııaǵa qatysýshylar etnosaralyq qatynastar salasyndaǵy memlekettik saıasatty ilgeriletý jáne aǵartýshylyq qyzmetti jandandyrý boıynsha aqparattyq-túsindirme jumysty kúsheıtý qajettigin atap ótti. Konferensııa qorytyndysy boıynsha qabyldanyp, onda qatysýshylar aldaǵy jumystyń birqatar negizgi baǵyttaryn belgiledi. Sondaı-aq memlekettik etnosaıasatty ǵylymı jáne qoǵamdyq qoldaýdy qamtamasyz etý úshin memlekettik organdarmen jáne ǵylymı-sarapshylyq qoǵamdastyqpen qoǵamnyń ózara is-qımylyn keńeıtý kýrsy belgilendi.
Qazaqstan halqy Assambleıasynyń 30 jyldyq mereıli jylynda etnosaralyq qatynas quraly retindegi memlekettik tildiń rólin arttyrý, etnomedıasııa tájirıbesin keńinen engizý jáne basqa eldermen tájirıbe almasý úshin etnosaıasat salasy boıynsha halyqaralyq yntymaqtastyqty jalǵastyrý sııaqty mańyzdy tezıster aıtyldy.
Konferensııa barysynda Assambleıanyń 30 jyldyq tarıhyna arnalǵan kóshpeli arhıvtik qujattardyń, kitaptardyń, etnostyq gazetter men jýrnaldardyń kórmesi uıymdastyryldy.
Konferensııa Qazaqstannyń etnosaralyq kelisim men jalpyulttyq birlik salasyndaǵy biregeı tájirıbesin talqylaýǵa óz úlesin qosty.
