Foto: gov.kz
Prezıdent tez arada batyl sheshimder qabyldaý qajet ekenin atap ótti.
«Aldymyzda júk jáne jolaýshylar termınaldary, logıstıkalyq ortalyqtary jáne zamanaýı servısteri bar tolyqqandy ekojúıe qurý mindeti tur. Júk tasymalynyń barlyq rásimin jeńildetip, avıaotynǵa qoljetimdi baǵa qoıý kerek. Keıingi másele óte ózekti. О́ıtkeni bizdiń áýejaılardaǵy, atap aıtqanda, Astana áýejaıyndaǵy avıakerosınniń baǵasy tym qymbat. Úkimet Básekelestikti qorǵaý vedomstvosymen birge atalǵan mindetti alǵashqy jartyjyldyqta oryndaýy kerek», dedi Memleket basshysy.
Aıta keteıik, kazir álemde áýemen júk tasymaldaý naryǵy 140 mıllıard dollarǵa baǵalanyp otyr. Bul – orasan zor múmkindik. Memleket basshysynyń aıtýynsha, birde-bir otandyq avıakompanııa atalǵan salada tolyq jumys istemeıdi.
