«Abaı joly» roman-epopeıasynyń kompozısııalyq ereksheligi» taqyrybynda ótken ashyq sabaqqa «Mansap» ortalyǵynyń jetekshisi Raqymberdi Jetibaı, №131 mektep-lıseıdiń basshysy Roza Dostanova men bilim alýshylardyń jetekshileri qatysty. Ashyq sabaqty Fılologııa fakýltetiniń «Qazaq tili men ádebıeti» bilim berý baǵdarlamasynyń 4 kýrs stýdenti Aıda Adaeva ótkizdi.
Sabaq barysynda bilim alýshy kúrdeli termınderge naqty jáne egjeı-tegjeıli túsinikteme berip, aýdıtorııany oqý prosesine tartý qabiletin kórsete otyryp, tamasha oqytýshylyq sheberligin kórsetti. Oqýshylar da belsendi qatysyp, bul toptyq jumysty sátti baǵalaýǵa yqpal etti.
О́z kezeginde Bolat Tilep stýdentterimizdiń únemi ozyq bilimmen qarýlanýyna baǵyttalatyn bilim berý ortasyn qalyptastyrýdyń mańyzdylyǵyna toqtalyp, stýdentter ýnıversıtettiń zııatkerlik damýynyń negizgi draıverleri ekenin atap ótti. Sondaı-aq mektep oqýshylaryn elimizdiń bolashaq urpaǵy úshin asa qajet pedagogıkalyq mamandyqty tańdaýǵa shaqyrdy. Sonymen qatar, stýdent pen onyń barlyq tálimgerlerine búgingi joǵary deńgeıde uıymdastyrylǵan sabaq barysy úshin alǵys aıtty.
Aıta keteıik, mundaı is-sharaǵa Abaı atyndaǵy Qazaq ulttyq pedagogıkalyq ýnıversıtetiniń Basqarma tóraǵasy-rektor Bolat Tileptiń jáne de basqa da qonaqtardyń qatysýy - stýdentterdiń bastamalaryn qoldaýdyń aıqyn úlgisi. Bul bilim berý jáne damý úderisinde ýnıversıtet basshylyǵy men stýdentterdiń ózara árekettesýiniń mańyzdylyǵyn kórsetedi.
