Sýretti túsirgen – avtor
Qystyń qysqa kúninde qart Altaıdyń kórikti jerlerin bir kúnde aralap shyǵý áste múmkin emes. Sondyqtan kemi úsh kúnge barǵan abzal desedi týrıstik operatorlar. Olar taý baýraıyna sapar uıymdastyrýǵa daıyn ekenderin aıtady. Biraq barýǵa qulyq tanytatyndar óte az. Áıtpese, kimde-kim qysqy tabıǵatty kórý úshin Altaıǵa saparlaıtyn bolsa, turaqtaıtyn qonaqúıler jazdaǵydaı emes, tabyla ketedi. Ásirese Berel aýylyna at baılap, arǵy jaǵyndaǵy Rahman qaınaryn, irgesindegi Berel-qoryq mýzeıin qyzyqtap qaıtýǵa bolady. Rahman qaınaryndaǵy sanatorııler memleket menshigine ótkenimen, búgin-erteń qalpyna keltirile qoımaıdy. Oblys ákimi Ermek Kósherbaevtyń aıtýynsha, qazirgi ýaqytta ınvestor izdestirilip jatyr.
Qazir taý baýraıyndaǵy, etektegi aýyldarda týrıster toqtaıtyndaı qonaqúıler qysy-jazy jumys istep tur. Atap aıtsaq, О́rel aýylyndaǵy «Muz Taý» eko qonaqúıi, Topqaıyńnyń tusyndaǵy «Qaton-Qaragai Resort and Spa» demalys oryny, Korobıha aýylyndaǵy «Sunrise», Shyńǵystaıdaǵy «NES», Sógir aýylyndaǵy «Meloman Travel» kempıngi, Katonqaraǵaı aýylyndaǵy «Atameken», «Sultan», «Qarataı», «Baıan» qonaqúıleri qys ishinde de sapaly qyzmet kórsetýge daıyn. Katonqaraǵaı týrızm bóliminiń bergen málimetine úńilsek, demalys bazalarynyń baǵasy árkimniń suranysyna qaraı táýligine 11 000 teńge men 50 000 teńge aralyǵynda.
Katonqaraǵaıdyń kórikti aýyldarynyń biri hám biregeıi Korobıha aýylynda «Sunrise», «Meloman Travel» qonaqúıleriniń ákimshiligi qosymsha taǵy eki qonaqúıdi keńeıtý jumystaryn júrgizip jatyr. Bul jaqtyń bir ereksheligi, kelgen týrıster tabıǵattan bólek eski din ustanýshylardyń da salt-dástúrimen tanysa alady. Jazdyń kúni omarta sharýasynyń jumysyn baqylap, jańa shaıqalǵan baldyń dámin tatsa, qysta tańǵajaıyp ormandy aralap, at shanamen serýendeýge múmkindik bar. Shana minip, bolmasa shańǵy baılap, shyrshaly ormandy aralap kete beresiz. Aıtqandaı, tym shalǵaıdaǵy, qýystaǵy meken bolǵanymen, uıaly telefon, ınternet jelisi ushyp tur. Jalpy, Katonqaraǵaı óńirindegi bazalardyń basym bóliginde ınterneti bolmasa da, uıaly telefon baılanysy bar.
Basty bir túıtkil – Katonqaraǵaı óńirine qaraı bastap baratyn joldyń nasharlyǵy. О́skemennen shyǵa bere bastalatyn jamaý joldar alystan Altaıdy ańsap kelgen saıahatshynyń meselin qaıtaryp tastaýy ábden múmkin. Ol az deseńiz, jol boıyndaǵy ájethanalardyń lastyǵyna týrıstik operatorlar yńǵaısyzdanamyz desedi.
– Saıahatshylardyń kóbi elimizdiń batysynan keledi. Sonaý jerden sharshap-shaldyǵyp jetkende Katonqaraǵaıǵa qaraıǵy jol dińkelerin odan saıyn qurtady. Týrızmniń turalap turǵan basty sebebi osy – jol. Ekinshiden, jarqyrap turǵan ájethanalar joq, – deıdi týroperator Daryn Nursapar.
Shyndyǵyn aıtsaq, týrızmdi damytýǵa sýbsıdııa bólinip, joldardy jamaýǵa qarjy qarastyrylyp-aq jatyr. Alaıda nátıje káne? Oblys ákimi Ermek Kósherbaev ta jol boıyndaǵy servısti jónge keltirý kerektigin aıtqan. Týrızm jáne sport mınıstri Erbol Myrzabosynov ta servısti arttyrý máselesine jan-jaqty qoldaý kórsetilip jatyr degen.
– Memleket tarapynan týrızmmen aınalysamyn degen azamattarǵa qoldaý bar. Máselen, sýbsıdııalar beriledi. Nesıe de qarastyrylǵan. Jol boıyndaǵy ájethanalardy jóndeýge 87 mln 300 teńge sýbsıdııa bólingen. Jergilikti ákimdiktermen birlesip, týrızm salasyn damytý baǵytynda jumys atqaryp jatyrmyz, – dedi mınıstr.
Jazdyń kúngi jaǵdaı kóńil kónshitpeı jatsa, qysqy týrızm týraly jaq ashýǵa áli erte sekildi. Sebebi tabıǵatty tamashalaǵannan basqa oıyn-saýyq oryndary joq.
– Katonqaraǵaıǵa qystyń kúni de týr jasaýǵa bolady. О́kinishke qaraı, kelýshiler qar basqan orman men taýlaryn ǵana qyzyqtaıdy. Týrısterdi barynsha tartý úshin shańǵy bazasyn salý kerek. Onyń mańaıynda basqa da oıyn alańdary bolǵany jón, – deıdi týrıstik operator Oljas Toqyshev.
Salystyryp qarasaq, kórshiles jatqan Qytaıdyń Qanasynda týrıst qysy-jazy tolastamaıdy. Jazdyń kúni kóldi kórýge kelse, qysta betkeılerden shańǵy tebedi. Bizge de sol sekildi shańǵy tebetin betkeılerdi jabdyqtap, týrıst tartýǵa bolar edi. Oǵan memleket tarapynan keń kólemde qoldaý kórsetilýi nemese ınvestorlar tartylýy tıis. Onsyz Katonqaraǵaıdaǵy qysqy týrızmniń qaryshtap damýy ekitalaı.
Shyǵys Qazaqstan oblysy
