ELBASYNYŃ JETPIS QURDASY KEMELDENGEN EL MEN JER JAILY SYR ShERTTI

“Aldyńǵy tolqyn aǵalar, keı­ingi tolqyn iniler” demekshi, aǵa urpaqqa degen qurmet pen izet ata-babalardan qalǵan ulaǵat, týǵan halqymyzdyń boıyna sińgen asyl qasıet. Al endi ár kezeńniń, ár za­mannyń óz úni, óz talaby bo­la­tyn­dyǵy da aıdaı aqıqat. Memleket basshysynyń “Meniń taǵdyrym sol kezdegi menimen zamandas týǵan balalardyń taǵdyrynan eshqandaı aıyrmashylyǵy joq dep sanaı­myn” dep atap aıtýynyń da máni bar. Uly Otan soǵysy bastalardan týra bir jyl buryn jaryq dúnıege kelgen, sońynan el basyna túsken aýyr jyldardy bastan keshken urpaq ókilderi shyn mánisinde de erte eseıdi. Týǵan elge, týǵan jerge degen súıispenshilik sezimi olardy bıik maqsattarǵa jeteledi. Qasıetti Otannyń kemeldenýine, el ıgiligin arttyrýǵa degen umtylys olardy týǵan halqyna adal qyzmet etýge úıretti. Sonyń nátıjesinde olar óz eńbeginiń jemisin kórip, keıingi jastarmen ómirlik tájirıbesimen bólisip, úlgi-ónege kórsete bildi. Almatyda ótken “Elbasynyń jetpis qurdasy” atty mádenı-ta­nymdyq keshte sóz alǵandar mine, osy máseleler tóńireginde sóz qoz­ǵady. Basqosýǵa Memleket bas­shy­sy Nursultan Nazarbaevtyń bir mek­tepte birge oqyǵan dostary, zamandastary, ıaǵnı bıylǵy jyly jetpistiń shyńyna shyǵyp otyrǵan eńbek ardagerleri, qadirli qarttar qatysty. Olar ata-baba armandaǵan táýelsizdikke qol jetkizgen eli­miz­diń búgingi jáne kemel keleshegi týraly oı bólisti. “Nur Otan” HDP Almaty qalasyndaǵy Medeý aýdandyq fılıaly, “Jas Otan” jastar qanaty, “Aq orda” respýb­lı­kalyq qozǵalysynyń uıymdas­ty­rýymen ótkizilgen keshtiń maq­sa­ty – urpaqtar arasyndaǵy sa­baq­tastyqty odan ári jetildirý, “keń-baıtaq Qazaqstandaǵy yntymaq­tas­tyq pen birlik jáne baqytty ómir úshin jáne sol baǵyttaǵy qajyrly eńbegi úshin Elbasyna jas urpaq al­ǵysyn jetkizý”, deıdi “Nur Otan” HDP Medeý aýdandyq fı­lıaly tóraǵasynyń orynbasary Almasbek Nuǵymanov. Sonaý tym alysta qalǵan ba­la­lyq baldáýrendi birge ótkizgen Sá­dýaqas Esimbaı, Edige Isataıuly já­ne olardyń ustazdary da óz aý­yl­darynyń ǵana emes, el maq­ta­nyshyna aınalyp, álem tanyǵan qaı­ratker týraly júrekten shyq­qan jyly lebizderin bildirdi. Nur­sultan Ábishulynyń bir mektepte on jyl birge oqyǵan synyptas dosy Sádýaqas Esimbaı qurdasy­nyń balalyq shaǵy týraly “Úsh­qo­ńyr – altyn besigim” atty kitabyn jaryqqa shyǵarǵanyna qýanyshty. Sonaý bir kezderdi mektep tabal­dyryǵyn birge attaǵan dosynyń búginde álem tanyǵan qaıratker atanyp, týǵan halqynyń ıgiligin arttyrýǵa súbeli úles qosyp otyrǵandyǵyn ol atap aıtady. – Nursultannyń ákesi – Ábish­tiń otbasy ádettegideı qarapaıym turmysty, taýsylmaıtyn tirshilik jumysymen qosa, balalaryna tá­limdi tárbıe berip ósirgen otba­synyń biri edi. Sóz reti kelgende atap aıtarlyǵy, úlken uly Nur­sultandy ákesi jas kezinen eńbekke baýlyp, ony uqyptylyqqa, tózim­di­likke tárbıeledi. Nursultan son­dyqtan da qarshadaıynan maldy qalaı kútýdi úırenip, eń bastysy nannyń qadir-qasıetin sezinip ósti. Kókiregi oıaý, kózi kóregen aqsaqal ulynyń boıynda tabıǵat darytqan talantyn sezinip, ańǵardy, – deıdi Sádýaqas Esimbaı ótken kúnderge kóz júgirtip. “Elbasynyń jetpis qurdasy” atty mádenı-tanymdyq keshke qatysýshylar sonymen qatar Elbasynyń ustazdary – Seıithan Isaev, Úsenbaı Tastanbekov, “Al­tyn alqa” ıegeri, batyr ana Tur­synhan Sydyqbekova, belgili óner qaıratkerleri Eskendir Hasan­ǵa­lıev, Altynbek Qorazbaevtyń jáne basqalardyń da pikirlerin úl­ken yntamen tyńdady. Kóp balaly ana, belgili ustaz Márzııa Tur­ly­hanova: “Memleket basshysymen bir aýylda týmasaq ta, zamanymyz bir, bir jyldyń tólimiz. Memle­ket­tik “Bolashaq” baǵdarlamasy úshin, jas urpaqqa arnalǵan úlken qam­qor­lyǵy úshin Elbasyna aıtar alǵy­symyz mol”, deıdi. Sonymen, eńbek ardagerleri tujyrymynyń túıini keń-baıtaq elimizdegi tatý-tátti tirshilik pen yntymaq Mem­le­ket basshysynyń sarabdal saıa­sa­tynyń nátıjesi ekendigi sózsiz. Baqyt BALǴARINA, ALMATY.