Foto: anatili.kazgazeta.kz
Qonaqúılerde turatyn ishki týrıster sany shamamen 6 mln adamdy quraǵan. Bul kórsetkish 2023 jyldyń sáıkes kezeńimen salystyrǵanda 600 myńǵa artyq.
«Jalpy, jumysqa nemese turaqty turýǵa kelgenderdi esepke almaǵanda, ártúrli týrıstik maqsattarmen elge 15,3 mıllıon sheteldik qonaq keldi. Onyń ishinde 10,4 mln adam bizde 1 kúnnen astam ýaqyt ótkizdi, biz olardy sheteldik týrıster retinde qarastyramyz», dedi Erjan Erkinbaev.
Sheteldik týrısterdi tartý ekonomıkany damytýda sheshýshi ról atqarady. Sheteldik týrıster 2024 jyly elimizdiń aýmaǵynda 1,2 trln teńgeden astam qarajat jumsaǵan.
«Týrıster eń kóp keletin óńirler qatarynda Almaty (+146%), Qyzylorda (+101%) jáne Jetisý (+62,1%) oblystary bar. Sheteldik týrısterdi tartý boıynsha aımaqtar bólinisinde keıbir aımaqtarda ótken jylmen salystyrǵanda teris dınamıka bar», Týrızm jáne sport mınıstriniń orynbasary.
2024 jyldyń qorytyndysy boıynsha týrızm salasyndaǵy negizgi kapıtalǵa salynǵan ınvestısııa mólsherinde oń serpin baıqalǵan.
«Eń úlken ósim Batys Qazaqstan oblysyna tıesili – 196,2%, Ulytaý oblysynda – 84,2%, Qyzylorda oblysynda –63% tirkeldi. 5 aımaq ótken jyldyń sáıkes kezeńimen salystyrǵanda teris ósý qarqynyn kórsetip otyr. Sonymen qatar 2024 jyly josparly kórsetkishti 9 oblys oryndamaǵan», dedi Erjan Erkinbaev.
